வெளிநாட்டு மாப்பிளை வேணுமா?

இந்தப்பதிவை நான் எழுதத்தூண்டிய விடயம் நேற்று நம்ம நண்பர் மைந்தன் எழுதிய நிச்சயிர்த்த திருணமனம் பெண்களுக்கு ஆபத்தா?என்ற பதிவாகும் அவரது பதிவை படிக்க இங்கே கிளிக்-நிச்சயித்த திருமணம் பெண்களுக்கு ஆபத்தா? இந்த நிச்சயித்த திருமணங்களில் தற்போது வெளிநாட்டு மாப்பிளை என்ற மோகமே அதிகளவு காணப்படுகின்றது.

ஒரு பெண்ணை பெற்று வளர்த்து ஒருவரது கையில் பிடித்துக்கொடுப்பதற்கு பெற்றோர்கள் படும் கஸ்டம் சொல்லில் வடிக்க இயலாது ஆனால் இப்படி எல்லாம் கஸ்டப்படும் பெற்றோர் திருமணவிடயத்தில் பெரும்பாலும் அவசரப்பட்டுவிடுகின்றனர்.முன் பின் தெரியாத ஒருவரை பார்த்து அவர் பற்றி சரியாக விசாரிக்காமல் தங்கள் பிள்ளைகளை கட்டிக்கொடுத்தால் சரி என்ற நிலையில் அவசர அவசரமாக திருமணத்தை முடித்துவிடுகின்றனர்.

அதுவும் வெளிநாட்டு மாப்பிளை என்றால் கேட்கவே வேணாம் அவர் வயசு என்ன அவர் எப்படி பட்டவர் அவர் பின்புலம் என்ன இது எல்லாம் ஆராய்வது இல்லை(சிலர் விதிவிலக்கு தீவிரமாக ஆராந்து முடிவெடுப்பார்கள்)இந்த வெளிநாட்டு மாப்பிளையில் இருக்கும் மிகப்பெரிய பிரச்சனை வயது வேறுபாடு பையனுக்கு 35,40 வயது பொண்ணுக்கோ 20,23 இருக்கும் ஆனால் இங்கே வயதை பார்பது இல்லை மாப்பிளை எந்த நாடு பிரான்ஸா,கனடாவா,லண்டனா,ஜெர்மனா,சுவிஸ்ஸா

இங்கே அதிக வயதுவித்தியாசத்தில் திருமணம் செய்யப்படுகின்றது சரி சில வருடங்களின் பின் அதாவது ஒரு பத்துவருடங்களின் பின் அந்தபெண்ணுக்கு 30 வயதுதான் இருக்கும் அவள் கணவனுக்கு 50 வயதாகிவிடும் இயந்திரமயமாக இந்த உலகில் 25,30 வயதுக்குள்ளே பீப்பி,சுகர்,சக்கரை என்று ஆயிரத்து எட்டுவியாதிகள் வரும் காலம் இது 50 வயதில் ஒருவரால் 30 வயதுடைய தன் மனைவியின் உடல் ரீதியான தேவைகள் என்றாலும் சரி அவள் உளரீதியான தேவைகள் என்றாலும் சரி சரியாக நிறைவேற்ற முடியுமா? இங்கே பிரச்சனை ஆரம்பிக்கும் திருமணம் ஆயிரம் காலத்து பயிர் என்கிறார்கள்.aஅதிக வயசு வித்தியாசத்தை கவனத்தில் எடுக்கவேண்டும் அல்லவா.

மேலே நான் சொன்ன கருத்துக்கு இல்லை செக்ஸ்மட்டும் வாழ்க்கையா அதையும் தாண்டி எவ்வளவோ இருக்கு என்று செம்பை தூக்கிகொண்டு வருபவர்களேஉண்மைதான் செக்ஸ் மட்டும் வாழ்க்கையில்லை ஆனால்  அதிகவயது வித்தியாசத்தில் திருமணம் செய்தால் ஏற்படும் குடும்ப பிரச்சனைகளுக்கு முக்கியகாரணம் மேல நான் சுட்டிக்காட்டிய விடயம் தான்.

இப்படித்தான் எனக்கு தெரிந்த பெண் ஒருவர் அவருக்கு வயது 24 வெளிநாட்டு வரன் பார்த்து பெற்றோர்கள் முடித்துவிட்டார்கள். அவருக்கு 37 வயது.இந்தப்பெண்ணும் அவரும் போன்,ஸ்கைப் என்று கதைக்க  தொடங்கி இருவரும் நல்ல நெருக்கமாகிவிட்டனர்.திருமணம் நடக்க நாள் குறிக்கப்பட்டது. இங்கே பிரச்சனை கிளம்பியது இவர்கள் பெண்வீட்டார் இந்து சமயம்,பையன் கிறிஸ்டியன்ஸ் பையனின் சகோதரி மதம் மாறி திருமணம் முடிக்க அனுமதிக்க மாட்டேன் என்று சொல்லிவிட்டாராம்.பையனும் தன்னால் குடும்பத்தை மீறமுடியாது என்று சொல்லி திருமணத்தை நிறுத்த சொல்லிவிட்டார்.அவருக்கு என்ன அவருக்கு இந்தப்பெண் இல்லை என்றால் ஆயிரம் பெண்களை பார்த்து கட்டுவார்.ஆனால் அந்த பெண்ணில் நிலையை யாரும் இங்கே யோசிக்கவில்லை.ஏன் அவருக்கு அவளுடன் மாதக்கணக்கில் போன் கதைக்கும் போது தெரியதா அவள் இந்து என்று.

சரி அந்த பெண்ணின் பெற்றோர்கள் ஆவது திருமணம் பேசும் போது மதம் மாறி திருமணம் செய்ய விருப்பமா என்று பையன் வீட்டாரிடம் கேட்டார்களே இல்லை.இந்த திருமணம் திருமணத்துக்கான எல்லா ஏற்பாடுகளும் பூர்த்தியாகி எல்லோறும் இந்தியா போய் அங்கே ரிஜிஸ்டேசன் செய்யவேண்டிய கடைசி நொடியில் நிறுத்தப்பட்டது.

பிறகு அந்தப்பெண் கிறிஸ்தவ மதத்துக்கு மாறி ரிஜிஸ்டேசன் நடந்தது வேறு கதை.

இன்னும் ஒரு சம்பவம் எனக்கு படிப்பித்த ஒரு ஆசிரியை பொற்றோர்களால் பார்த்து செய்துவைத்த திருமணம்.நல்ல பையன் என்று சொல்லி திருமணம் செய்து வைத்தார்கள்.பிறகு ஆசிரியை வெளிநாட்டுக்கு போனதும்தான் அவனது சுயரூபம் தெரிய வந்தது.அவர் ஏற்கனவே திருமணம் ஆன நபர் என்று.இவர் கொஞ்சம் படித்த பெண் என்பதால் அங்க இங்க போய் பிரச்சனைகளை எதிர்கொண்டு திரும்பவும் நாட்டுக்கு வந்துவிட்டார்.ஆனால் அதே கொஞ்சம் படிப்பறிவு குறைந்த அபலைப்பெண்ணாக இருந்தால் சற்று சிந்தித்துப்பாருங்கள் என்ன நடந்திருக்கும் என்று.

இப்படி ஏராளமான சம்பவங்கள் உதாரணப் படுத்தலாம்.ஆனால் அதற்காக வெளிநாட்டு மாப்பிளையே வேணாம் என்று சொல்வது இந்த பதிவின் நோக்கம் இல்லை வெளிநாடோ,உள்நாடோ உங்கள் பெண்ணை கட்டிக்கொடுக்கின்ற போது நன்கு தீர விசாரித்து ஒரு முடிவுக்கு வாங்க யாரோ ஒருவனுடைய கையில் பெண்ணை பிடித்துக்கொடுத்தால் சரி என்று நினைக்காதீர்கள்.

இங்கே மைந்தன் தன் பதிவில் குறிப்பிட்ட விடயத்தை சொல்வது பொருத்தமானதாக இருக்கும்

நிச்சயம் செய்யப்பட்ட ஆணும் பெண்ணும் ஒருவரை ஒருவர் புரிந்து கொள்ள பழகும் அந்த சில நாட்கள்-சில மாதங்களில் ஒருவரை பற்றி மற்றையவர் முழுமையாக அறிந்துகொள்ள முடியுமா?ஒருவன் எத்தகைய கெட்ட பழக்கவழக்கங்களை கொண்டிருந்தாலும்(வெளியே தெரியாமல் தனக்குள்ளே) அவற்றை வெளியில் வெளிக்காட்டிக்க கூடாது என்று நினைத்தால் எவராலும் அந்த குறிப்பிட்ட "பழகும் காலத்தில்" அவற்றை கண்டுபிடிக்க முடியாது.இந்த பழகும் காலம் இரண்டு மாதங்கள் என்று எடுத்துக்கொள்ளுங்களேன்.அந்த இரண்டு மாதங்களும் நல்லவனாக யாரால் நடிக்க முடியாது?

இதுதான் யதார்த்தம் 

அதற்காக காதல் திருமணம் சிறந்தது என்றும் சொல்லவில்லை எந்த திருமணம் என்றாலும் நன்கு விசாரித்து முடிவெடுங்கள்

இளமை போன பின்பும் இங்கே இருப்பது வெரும் அன்பு மட்டுமே இப்படி ஒரு அன்பு சாம்ராஜ்ஜியத்தில் திருமணம் கட்டிஎழுப்ப படவேண்டும்

அப்பறம் ஆண் நல்லவனாக இருந்து பெண் சரியில்லாமல் திருமண வாழ்வு முறிந்த பல சம்பவங்களும் உண்டு. எனவே ஆணோ,பெண்ணோ தங்களுக்கு வரப்போகும் துணைபற்றி நன்கு விசாரித்து அவர் குணங்களை முழுமையாக புரிந்து கொண்டு அதன் பின் நல்ல தீர்மாணத்துக்கு வாருங்கள்.

காபி கொடுத்து காலையில நானே உன்னை எழுப்பி விடுவேன்..
சமைக்க தெரியலனா நானே சமையல் செஞ்சு உனக்கு ஊட்டி விடுவேன்..
உன்னை நான் என்னைக்குமே சந்தேகப்பட மாட்டேன்...
என்னை நீ சந்தேக படு மாதிரி நடக்க மாட்டேன்...
உன் உயிரா நான் இருப்பேன்.. என் உயிரா உன்னை நினைப்பேன்...
என் நெஞ்சில உன்னை சுமப்பேன்...
உன்னை DAILY நான் ரசிப்பேன்..
உன் நிழல போல நான் இருப்பேன்...

ஏ...ஏ... வாடி வாடி CUTE பொண்டாட்டி... 

இப்படி யார் வேனும் என்றாலும் பாடலாம் ஆனால் உண்மையிலே உங்கள் துணையின் கேரக்கடர் இப்படி இருக்குமா என்று நன்கு அறிந்து முடிவெடுங்கள்.

Post Comment