ஒரு அறிவிப்பு,வேதனைகள்,நன்றிகள், வாழ்த்துக்கள்

அனைவருக்கும் வணக்கம் பதிவுலகில் நிரூபன் என்ற பெயர் அனேகமாக எல்லோறுக்கும் தெரிந்திருக்கும் நாற்று தளத்தின் ஓனர் பதிவுலகில் தன் எழுத்துக்களால் நிறைய வாசகர்களை கட்டிப்போட்டவர்..இவரின் பதிவுகள் பல்சுவையானவை பலதரப்பட்ட விடயங்களை கலந்து கட்டி பதிவுஎழுதுவதில் இவருக்கு நிகர் இவர்தான்.
நான் நினைக்கின்றேன் விளையாட்டு தவிர ஏனைய அனைத்து விடையங்களையும் இவர் தன் பதிவுகளின் ஊடாக அலசியிருக்கின்றார்.

நேற்று இவரது பதிவில் ஒரு அறிவிப்பை வெளியிட்டு இருந்தார்..இது இவரது வாசகர்களுக்கு நிச்சயம் மனவேதனையே



அவரின் அறிவிப்பு
பதிவுலகிலிருந்தும், உங்களிடமிருந்தும் விடை பெறலாம் என முடிவெடுத்துள்ளேன். டிசம்பர் மாதத்தின் பின்னர் பல் சுவைப் பதிவுகள் எழுதுவதனை நிறுத்தவுள்ளேன். ஈழ வயல் தொடர் மாத்திரம் டிசம்பர் மாதத்தின் பின்னர் என் வலையினூடாக  உங்களை நாடி வரும்.  என் வழமையான பின்னூட்டப் பணி எனக்கு நேரம் கிடைக்கும் சமயத்தில் நான் பதிவெழுதாத சந்தர்ப்பத்திலும் தொடரும் என்பதனையும் இங்கே தெரிவித்துக் கொள்கிறேன்.

குறுகிய காலத்தினுள் பதிவுலகினுள் பல திசைகளை நோக்கி என்னைப் பயணிக்கச் செய்த (10 மாதங்களினுள்) உங்கள் அனைவரையும் தலை தாழ்த்தி வணங்குகிறேன். 
என் கூடவே இருந்து உறுதி தந்து பயணிக்க வைத்த உங்கள் அனைவருக்கும் இந் நேரத்தில் என் சிரம் தாழ்த்திய நன்றிகளைத் தெரிவித்துக் கொள்கிறேன்! 
எனக்கு எப்பொழுதும் பேராதரவு வழங்கும் உங்கள் அனைவரையும் நினைவு கூர்ந்து ஆனந்தக் கண்ணீரோடு இப் பதிவினை நிறைவு செய்கிறேன்!

இது இவர் தனிப்பட்ட காரணங்களுக்காக பதிவுலகைவிட்டு விலக எடுத்திருக்கும் முடிவு .ஆனாலும் இவரது வாசகர்கள் இவரது பல்சுவைப்பதிவுகளை இனி காணமுடியாதே.


தான் மட்டும் பதிவுலகில் வளர்ந்தால் போதாது சகபதிவர்களும் வளரவேண்டும் என்று சக பதிவர்களை ஊக்கப்படுத்தி அவர்களை பதிவுலகில் ஓர் அங்கிகாரம் கிடைக்கவேண்டும் என்று நினைக்கும் இவரது எண்ணம் போற்றுதலுக்குறியது அதற்கு சான்று இவர் பதிவுகளில் இடம் பெரும் பதிவர் அறிமுகம் பல புதிய பதிவர்கள் பற்றியும்,அவர்களின் வலைப்பதிவு பற்றியும் இவர் தன் பதிவின் கடைசியில் குறிப்பிடுவார்,இதனால் இவரது தளத்திற்கு வரும் வாசகர்கள்.அந்த புதிய பதிவர்களின் தளத்திற்கும் 
செல்ல வாய்ப்புண்டு..இது நிச்சயம் போற்றுதலுக்குறியதுதான்..


என் பதிவுலக பயணத்தில் என் வளர்ச்சிக்கு வழிகாட்டியாக இருந்தவர்.
நான் பதிவுலகில் அடையாளம் காணப்படாமல் இருந்த போது என் சில கிரிக்கெட் பதிவுகள் மாத்திரம் ஹிட்டானது ஏனைய பதிவுகள் கண்டு கொள்ளப்படவில்லை அப்போது என் பாடசாலைக்காலத்தில் இலங்கை கிரிக்கெட் அணியின் சுழல் நாயகன் முத்தையா முரளிதரனை நான் ஒரு முறை சந்தித்து இருந்தேன் அதை ஒரு பதிவாக எழுதினால் என்ன என்று எழுதினேன் குறிப்பிட்டுச்சொன்னால் பெரிதாக ஒருவரும் என் பதிவுகளை படிக்கவில்லை என்று கவலை அடைந்த நான் இந்த முரளிதரன் பற்றிய பதிவுடன் பதிவுலகில் இருந்து விடை பெற எண்ணியிருந்தேன்.


அந்தத்தொடரின் முதல் பகுதியில் தான் எனக்கு நிரூபன் அவர்களின் அறிமுகம் கிடைத்து..உன் எழுத்துக்கள் நன்றாக இருக்கின்றது தொடர்ந்து கிரிக்கெட் மட்டும் எழுதாதே பலதரப்பட்ட விடயங்களை கலந்து கட்டி எழுது...பதிவுலகில் நீ ஒரு இடத்துக்கு நிச்சயம் வருவாய் என்று என்னை ஊக்கப்படுத்தி பல ஆலோசனைகளை வழங்கினார்.

பதிவர் லோஷன் அண்ணாவின் கிரிக்கெட் பதிவுகளில் கவரப்பட்டு நானும் எனக்கு தெரிந்த கிரிக்கெட் விடயங்களை எழுதவேண்டும் என்றுதான் நான் பதிவுலகில் வந்தேன் ஆனால் எனக்கு பதிவுலகம் பற்றி ஓன்றும் தெரியாது..இதனால் நான் பதிவுலகில் அடையாளம் காணப்படாமலே இருந்தேன்.அந்த நேரத்தில் 
 நிரூபன் அவர்களின் ஆலோசனைகள் என் பதிவுலக வளசிசியில் பெரும் பங்காற்றியது.

அதற்காக அவருக்கு இந்த நேரத்தில் நன்றி சொல்ல கடமைப்பட்டுள்ளேன்.இதை என் 100வது பதிவில் சொல்லாம் என்று இருந்தேன் ஆனால் நேற்றய இவரின் முடிவால் இதில் சொல்கின்றேன்
நண்பர்கள் தளம் சார்பாகவும் அதன் வாசகர்கள் சார்பாகவும்.என் தனிப்பட்டரீதியாகவும் அவருக்கு மனமார்ந்த நன்றிகள்

அத்தோடு
நிரூபன் பாஸ் வாழ்க்கையில் அடுத்த கட்டத்துக்கு போக இருக்கின்றார் அவருக்கு நண்பர்கள் தளம் சார்பாகவும் அதன் வாசகர்கள் சார்பாகவும் வாழ்த்துகின்றது.

அவரின் பல்சுவைப்பதிவுகளை இனிபடிக்கமுடியாது என்று கவலையடையும்..அவரின் பல வாசகர்கள் போலவே நானும் ஒரு வாசகனாக..
அன்புடன்
கே.எஸ்.எஸ்.ராஜ்

Post Comment