ஓரு பதிவர் பேசுகின்றார்.

இன்று என்பதிவின் ஊடாக பதிவுலகம் பற்றி பேசுகின்றேன்

அனைத்து நண்பர்களுக்கும் வணக்கம்
இன்று (8-11-2011) நண்பர்கள் தளம் ஆரம்பிக்கப்பட்டு ஓரு வருடங்கள் பூர்த்தியாகின்றது 8-11-2010 அன்று என் தளத்தை ஆரம்பித்து முதலாவது
பதிவு வை எழுதினேன்...நான் பதிவெழுத வந்த இந்த ஓரு வருடத்தில் இதுவரை 108 பதிவுகள் எழுதியிருக்கின்றேன்.3488 கருத்துரைகள் கிடைத்திருக்கின்றன..திரட்டிகளில் என் பல பதிவுகள் பிரபல்யமாகியிருக்கின்றன,விகடனில் குட்ப்ளாகில் என் தளம் தேர்வுவாகியிருந்தது.தமிழ்மணத்தில் டாப்-20 பதிவர்களில் பல வாரங்கள் இடம்பிடித்திருக்கின்றேன்.அதிகபட்சமாக 4வது இடம் கிடைத்து..
தமிழ்விருதின் சிறந்த கிரிக்கெட் பதிவருக்கான விருது கிடைத்தது.



ஆனால் நான் பதிவெழுத வந்து 7 மாதங்கள் வரையில் என் தளம் பதிவுலகில் பெரிதாக அடையாளம் காணப்படவில்லை.. 7மாதங்களில் வெறும் 35 பதிவுகள் மட்டுமே எழுதியிருந்தேன்...காரணம் எனக்கு இந்த பதிவுலகம் பற்றி சரியாகத்தெரியாது..ஆனாலும் நான் சோர்ந்து போகாமல் தொடர்ந்து எழுதிக்கொண்டு இருந்தேன்...கடந்த 5 மாதங்களாகத்தான் என்தளமும் பதிவுலகில் அடையாளம் காணப்பட்டது..இன்று நானும் பதிவுலகில்..பலரும் கவனிக்கும் ஓரு பதிவராக இருப்பது எனக்கு மிகுந்த மகிழ்ச்சி..இதற்கு காரணமான வாசகர்கள்,திரட்டிகள்,சகபதிவர்கள், ,அனைவருக்கும் மனமார்ந்த நன்றிகள்.

எமது எண்ணங்களை மற்றவர்களுடன் பகிர்ந்து கொள்ள மிகச்சிறந்த வரப்பிசாதமாக இன்று பதிவுலகம் திகழ்கின்றது.எம் கருத்துக்களை தெளிவாக சொல்லமுடிகின்றது..நான் எல்லாம் சில ஆண்டுளுக்கு முன்பு பல சிறுகதைகள் எழுதி பத்திரிகைகளுக்கு அனுப்பிவைப்பேன் ஆனால் அவை பிரசுரமாகாமல் விடும் போது மனசு வலிக்கும்..ஆனாலும் நான் சோர்ந்துவிடாமல் கதைகளை எழுதி அனுப்புவதுண்டு..அப்படி நான் எழுதிய கதைஓன்று ஓரு வருடங்களுக்கு பின் பத்திரிகையில் பிரசுரமானது அன்று நான் அடைந்த மகிழ்சிக்கு அளவில்லை.அந்த சிறுகதையை என் தளத்திலும் பதிவாக்கியுள்ளேன் அதை படிக்க இங்கே-சிறுகதை-விதியின் ரேகை

ஆனால் இன்று உடனுக்குடன் எமது எழுத்துக்களை வாசகர்களிடம் கொண்டு சேர்க்கும் வலைப்பதிவுகள் என்னைபோல பலருக்கு நிச்சயம் வரப்பிரசாதமே.
அதைவிட எமது எழுத்துக்கள் பற்றிய பாராட்டுக்கள்,அதற்கு விமர்சனமும் உடனுக்கு உடன் கிடைக்கின்றது
.உண்மையில் பாராட்டுக்கள் என்பதும்,விமர்சனம் என்பது கட்டாயம் ஓரு படைப்பாளிக்குதேவை அப்போதுதான் அவனது படைப்புக்கள் புடம்போடப்படும்.ஆனாலும் பதிவுலகில் பல பதிவர்கள்..பல்வேறு பிரயோசனம் அற்ற விடயங்களுக்காக கருத்துக்களால் மோதிக்கொள்வது வருந்தத்தக்க விடயம் குறிப்பாக சினிமா நடிகர்களுக்காகவும்,அந்த நடிகர் பெருசா,இந்த நடிகர் பெருசா என்று கருத்துக்களால் முரண்பட்டுக்கொள்வது.

பல நல்ல திறமையான பதிவர்கள் பலரும் இதற்கு விதிவிலக்கில்லை என்பது வேதனையான விடயம்.இன்று ஓரு பதிவரின் பதிவை படித்தேன் மிகவும் அழகான ஓரு கட்டுரை பதிவாக எழுதியிருந்தார்....என்னைக்கேட்டால் நான் படித்த அவரது சிறந்த பதிவாக அதைக்குறிப்பிடுவேன்...எனக்கே மிகவும் ஆச்சரியமாக இருந்தது அட இப்படி எழுதும் திறமையுள்ள ஓருவரா ஓரு சினிமா நடிகருக்காக கருதுக்களால் மோதிக்கொண்டார் என்று..

அடுத்து மொய்க்கு மொய் என்றும் ஓரு விடயம் அதாவது நீ என் பதிவுகளுக்கு ஓட்டும் கருதுரையும் போட்டால்தான் நான் உன் பதிவுகளுக்கு ஓட்டும் கருத்துரையும் போடுவேன் என்ற ஓரு விடயம்....இதனால் பல நல்ல பதிவுகளை எழுதும் பலர் பதிவுலகில் அடையாளம் காணப்படாமலே இருப்பார்கள்...
.
மொய்க்கு மொய்யை ஓரு வகையில் தவறு என்றும் சொல்லமுடியாது காரணம் நான் பதிவுகளை எழுதுவேன் யாருக்கும் கருத்துரை ,ஓட்டும் போட மாட்டேன் என்று இருந்து கொண்டு என்பதிவுகளை ஓருத்தரும் படிக்கவில்லை அந்தப்பதிவருக்கு மட்டும் நிறைய ஓட்டு,கருத்துரை கிடைக்கின்றது என்று பிரபல பதிவர்களை குற்றம் சாட்டுவது நியாயம் இல்லை அப்படி இருந்தால் நீங்கள் நிச்சயம் பதிவுலகில் அடையாளம் காணப்படாமலேதான் இருப்பீர்கள் .

எனவே பதிவுகளை எழுதும் அதே சமயம் சகபதிவர்களின் பதிவுகளை வாசித்து அவர்களுக்கு கருத்துரைகள் கூறி,ஓட்டுக்களை போட்டு ஊக்கப்படுத்துங்கள்...அவரும் உங்களுக்கு நிச்சயம் கருத்துரையும்,ஓட்டும் போட்டு உங்களை ஊக்கப்படுத்துவார்....

ஆனால் பதிவர்கள் தங்கள் சக நண்பர்களின் பதிவுகளுக்கே அதிகளவு கருத்துரைகளை கூறி,ஓட்டுபோட்டு..அவர்களது பதிவுகளை பிரபல்யப்படுத்த வேண்டும் என்பதற்காக ஓருவரே இரண்டு மூன்று...பெயர்களில் ப்ரபைலை உருவாக்கி கருத்துரையோ இல்லை ஓட்டோ போடுவது .மிகவும் வேதனையானது.இந்தவகையில் பார்த்தால் மொய்க்கு மொய் தவறானது.

இன்னும் ஓரு விடயம் எமது பதிவுகளை ஆயிரக்கணக்கான வாசகர்கள் வாசிக்கின்றார்கள் ஆனால் எமக்கு கருத்துரை,ஓட்டுப்போடுவது பெரும்பாலும் எமது சகபதிவர்கள்தான்...எனவே அதிக கருத்துரை ஓட்டு கிடைக்க வேண்டும் என்பதுக்காக..ஓரு பதிவரை கலாய்த்து மொக்கை போட்டால் அதிக ஓட்டு,கருத்துரை கிடைக்கும் ஆனால் எமது தளத்தை வாசிக்கும் ஆயிரக்கணகான வாசிகர்களுக்கு பெரும்பாலானவர்களுக்கு நாம் கலாய்த்து மொக்கை போடும் பதிவரை தெரிந்திருக்காது...இதனால் வாசகர்களுக்கு சலிப்புத்தன்மை ஏற்படும்..

நான் கூட ஆரம்பத்தில் இதை உணரவில்லை நம்ம சக பதிவர்கள் சிலைரை கலாய்து மொக்கை போட்டுள்ளேன் அந்தப்பதிவுகளுக்கு
கருத்துரைகள் நூற்றுகணக்கிலும்,ஓட்டுகள் அதிகளவும் கிடைத்தன பதிவும் பிரபல்யமானது ஆனால் பார்வையாளர்கள்.300,400 பேர்தான் அதை பார்த்திருந்தார்கள்,ஏன் பார்வையாளர் குறைந்தார்கள் என்று யோசித்தேன் அப்பதான் எனக்கு இந்த விடயம் புரிந்தது அட.நம்ம பதிவர்களை வைத்து மொக்கை போடும் போது பதிவர்கள் அல்லாத வாசகர்களின் வரவு குறைகின்றது என்று...எனவே இதுவும் பதிவர்கள் கவனிக்கவேண்டிய ஓரு விடயம்...

எது எப்படியோ பதிவுலகம் எமக்கு கிடைத்த மிகச்சிறந்த வரப்பிரசாதம்...எமது எழுத்துக்கள் மூலமாக எம்வாசகர்களுக்கு சிறந்த பதிவுகளை வழங்குவோம்,சக பதிவர்களையும் ஊக்குவிப்போம்

.பதிவுலகில் நீ என்ன சாதித்தாய் என்று என்னைக்கேட்டால் நான் துணிந்து சொல்லுவேன் பல நண்பர்களை சம்பாதித்திருக்கின்றேன்,

என் மனதில் நீண்டகாலமாக உறுத்திக்கொண்டு இருந்த ஓரு விடயத்தை பதிவுலகம் வாயிலாக மறக்க முடியாத பாடசாலை நாட்கள் என்னும் தொடர் மூலம் உங்களிடம் பகிர்ந்து கொண்டேன்.அதே போல இன்னும் ஓரு விடயம் என் மனதில் நெடுநாட்களாகவே உறுத்திக்கொண்டு இருந்தது.அதாவது நான் பாடசாலையில் உயர்தரம் படிக்கும் போது ஓரு கதை எழுதினேன் காதலையும்,கிரிக்கெட்டையும் வைத்து எழுதின கதை அது அதை நான் எழுதிக்கொண்டு இருந்த போது என கூடப்படித்த நண்பன் ஓருவன் அதை எடுத்து எங்கள் வகுப்பில் படித்த பொண்ணுங்களிடம் கொடுத்துவிட்டான் அவங்க அதைப்படித்து விட்டு...சிலர் நல்லா இருக்கு பத்திரிகைக்கு அனுப்பு என்றார்கள்..அதில் ஓரு பொண்ணு சொன்னுச்சி இதலாம் ஓரு கதையா தூக்கி போட்டுவிட்டு பிரயோசனமாக வேலை ஏதும் இருந்தால் பார் ராஜ்
என்றாள்.எனக்கு மிகவும் கவலையாக போய்விட்டது..அந்தக்கதையையும் அப்படியே எழுதாமல் விட்டு விட்டேன்

பிறகு என் பாடசாலைகாலம் முடிந்து கொஞ்ச காலத்தின்பின் அந்தக்கதையை மீளவும் தூசி தட்டி எழுதினேன்...பலர் மிகச்சிறப்பாக இருக்கு பத்திரிகைக்கு அனுப்பு என்றார்கள்.சில காரணங்களால் அனுப்பமுடியவில்லை இப்ப அந்தக்கதை எழுதின நோட்டும் என் கைவசம் இல்லை ஆனால் அந்தக்கதை மட்டும் மனதில் அப்படியே புதைந்து போயிருக்கின்றது...

இப்போது வலைப்பதிவு எழுத தொடங்கியதும் அதை எழுதலாம் என்று நினைத்தேன்.ஆனால் யார் படிக்கபோகின்றார்கள் என்று விட்டுவிட்டேன்...நான் எழுதும் தொடர்களுக்கு நல்ல வரவேற்பு இருப்பதால்
என் தளத்தில் அந்தக்கதையை எழுதுகின்றேன் என்ன அது உண்மைக்கதை இல்லாவிட்டாலும் நான் எழுதிய முதல் கதை அது.
நிச்சயம் அதை என் தளத்தில் எழுதுகின்றேன்.இப்ப எழுதும் தொடர் முடிவடையட்டும்.

என்ன அந்தக்கதையை தூக்கி போட்டுவிட்டு வேறு வேலையை பார் என்று அந்தக்கதைக்கு முதல் விமர்சனம் சொன்ன என் பாடசாலைகால நண்பி இப்போது உயிருடன் இல்லை மண்னைநேசித்து மரணித்த பல உறவுகளுள் அவளும் கலந்துவிட்டாள்..அந்தக்கதையை எழுதும் போது அதை அவளுக்கே சமர்ப்பணம் செய்கின்றேன்

என்னை பதிவுலகில் ஊக்கப்படுத்தும் அனைத்து நண்பர்கள் வாசகர்கள்,அனைவருக்கும் மீண்டும் நன்றிகள்
எனக்குத்தெரிந்ததை நான் எழுதுகின்றேன்..அதற்கான அங்கிகாரம் உங்கள் கைகளில்
அன்புடன்
கே.எஸ்.எஸ்.ராஜ்

Post Comment