மழலை உலகம் மகத்தானது(என் பார்வையில் தொடர் பதிவு)

தற்போது வலையுலகில் மழலை உலகம் மகத்தானது என்று தொடர்பதிவுகளை பதிவர்கள் எழுதிவருகின்றார்கள்.

தொடர் பதிவு என்றால் என்ன என்று அறியாத பதிவர் இல்லாத வாசகர்களுக்காக சின்ன விளக்கம்.ஒரு பதிவர் தன் தளத்தில் ஒரு பதிவை எழுதி அதே பதிவை இன்னும் ஓரு பதிவரின் பார்வையில் எழுதச்சொல்லி அழைப்பது தொடர் பதிவாகும்.

அந்தவகையில் மழலை உலகம் மகத்தானது என்ற தலைப்பில் பதிவர்கள் எழுதிவரும் தொடர் பதிவை என்னையும் எழுதும்படி

 LAKSHMI மேடம் அழைத்திருந்தார்..

அவர் எழுதிய பதிவை படிக்க இங்கே-மழலை உலகம் மகத்தானது

நம்மையும் ஒரு பதிவரா மதிச்சு அழைத்திருக்கின்றாரே என்று ரொம்ப பெருமையா இருக்கு இதற்கு முன் நண்பர் வேடந்தாங்கல் கருன் ஓரு தொடர் பதிவு எழுத அழைத்திருந்தார்..

சரி மழைலை உலகம் மகத்தானது என்ற தலைப்பின் என்ன எழுதுவது என்று யோசிக்கும் போது இங்கதான் பிரச்சனை...ஏன் என்றால் இதற்கு முன் இந்த பதிவை எழுதிய பதிவர்கள் பலர் குடும்பஸ்தர்கள் அனுபவரீதியாக பலதை உணர்ந்தவர்கள் எனவே குழந்தைகள் பற்றியும்,குழந்தை வளர்ப்பு பற்றியும் குழந்தைகளை எவ்வாறு வளர்க்கவேண்டு என்பது பற்றியும் பலர் எழுதியிருந்தார்கள் நானும் வாசிச்சு கமண்ட்டும் ஓட்டும் போட்டுவிட்டு வந்தேன்.ஆனால் என்னை எழுத அழைத்த போது என்ன எழுதுவது என்று புரியவில்லை எனவே என் ஸ்டைலில் இந்த தலைப்பில் எழுதுகின்றேன் தவறு இருந்தால் மன்னிக்கவும்

மழலைகள் உலகம் மகத்தானது இது பற்றி ஒரு மழலையிடம் எழுதச்சொன்னால் என்ன எழுதுவேன் 22 வயது இளைஞனான என்மனதில் வருவதை எழுதுகின்றேன்...என் மழலை பருவம் மிகவும் துயரமானது துன்பமானது.காரணம் எங்கள் நாட்டில் நான் பிறக்கமுன்பே யுத்தம் இருந்தது நான் பிறந்த பின்பும் யுத்தம் இருந்தது.யுத்ததில்லேயே பிறந்து யுத்ததிலேயே வளர்ந்தவன்...எனது அம்மா சொல்வார் 1வயதிலையே என்னை தூக்கிக்கொண்டு இடம் பெயர்ந்தார்களாம் அதுதான் நான் சந்தித்த முதலாவது இடப்பெயர்வு.

யுத்தவிமானங்களின் ஓசைகளையும்,வெடிகுண்டு சத்தங்களையும் மரணஓலங்களையும்,தான் என் வயதை ஒத்த மழலைகளிடம் பரிசளித்தது குருதிக்கறைபடிந்த எனது மண்.இது எங்கள் மண்ணின் சாபக்கேடு எனவே எனது மழலைக்காலம் பற்றி பேசினால் இந்தப்பதிவு சோகமயமாகிவிடும் .

ஆதலால் பொதுவாக பேசுவோம்.

நான் பொதுவாக இந்த சமூதாயத்தில் பார்க்கும் ஓருவிடயம் பெரும்பாலும் பெற்றோர்கள் பிள்ளைகளிடம் தங்கள் எதிர்பார்ப்பை திணிப்பது..இது மிகவும் தவறான ஓரு செயற்பாடு..ஓரு குழந்தைக்கு எதில் ஆர்வம் உண்டோ அதில் அவனை ஊக்கப்படுத்தவேண்டு.அப்பதான் வாழ்க்கையில் சாதிக்கமுடியும்

சச்சின் டெண்டுல்கர் என்ற ஜாம்பவானை சின்னவயதில் அவரது தாய்,தந்தை கிரிக்கெட்வேணாம் படிப்பை கவனி என்று தடுத்திருந்தால் இன்று உலகம் போற்றும் ஒரு கிரிக்கெட் நட்சத்திரம் கிடைத்திருப்பாரா.16 வயதில் சச்சின் சர்வதேச கிரிக்கெட்டில் அறிமுகம் ஆனபோது அவரது படிப்பை தொடரமுடியவில்லை ஆனாலும் பெற்றோர் அவரை ஊக்கப்படுத்தினர்.ஓரு வேளை சச்சினின் பெற்றோர் அவரை கிரிக்கெட் வேணாம் படிகிறவழியைப்பார் என்று சொல்லியிருந்தால் இன்று ஓரு சச்சின் என்ற ஓரு நபரை எத்தனை பேருக்கு தெரிந்திருக்கும்?

(குழந்தை பருவத்தில் சச்சின்&தற்போது சச்சின்)
விளையும் பயிரை முளையிளேயே தெரியும் என்பார்கள் அது இதுதானோ?

சச்சினுக்கு எதில் ஆர்வம் என்று சரியான இனம் கண்ட அவரது பெற்றோர் அவரை ஊக்கப்படுத்தியதால் தான் இன்று அவரது புகழ் உலகெங்கும் பரவியிருக்கின்றது.இன்னும் பலநூறு ஆண்டுகளுக்குப்பின்னும் கிரிக்கெட்டில் அவர் புகழ் நிச்சயம் இருக்கும்.

எனக்கும் கூட சின்னவயதில் ஒரு கிரிக்கெட் வீரராக வரவேண்டும் என்று ஒரு ஆசையிருந்தது ஆனால் எங்கள் நாட்டின் யுத்தசூழ்நிலையால் கனவாகவே போய்விட்டது அதுவேறு கதை அதற்காக எதிர்காலத்தில் எனக்கு பிறக்கும் மகன் மீதும் நான் அந்த எதிர்பார்ப்பை திணித்தால் அது மிகவும் தவறானது


அதாவது ஒருவர் டாக்டர் ஆக அசைப்படுகின்றார் அவரது ஆசை நிறைவேறவில்லை எனவே.தன் பிள்ளையை டாக்டராக்க ஆசைப்படுவது தவறில்லை....ஆனால் அவரது பிள்ளைக்கு டாக்டர் படிப்பின் மீது ஆர்வத்தை தூண்டவேண்டுமே தவிர நீ கட்டாயம் டாக்டராகத்தான் ஆகவேண்டும் என்று எமது விருப்பத்தை திணிக்கக்கூடாது.ஓரு வேளை அந்தக்குழந்தைக்கு வேறு துறைகளில் ஆர்வம் இருந்தால் எமது விருப்பத்தை விட்டு விட்டு குழந்தைக்கு எந்தத்துறையில் ஆர்வமோ அதில் ஊக்குவிக்கவேண்டும்

எனவே அன்பான பெற்றோர்களே மழலை உலகம் மிகவும் மகத்தான சந்தோசமான பருவம் அது. மழலைகள் மீது உங்கள் எண்ணங்களை திணிப்பதைவிட அவர்களுக்கு எந்தத்துறையில் ஆர்வம் இருக்கின்றது என்று ஊக்கப்படுத்தினால்...ஓரு சச்சின் இல்லை ஆயிரம் சச்சின் டெண்டுல்கர்கள் உருவாகுவார்கள்.

பொதுவாகவே பள்ளியில் சேர்க்கும் போதே பிள்ளைகள் மீது பெற்றோரின் எண்ணம் நீ டாக்டர் ஆகவேண்டும், இஞ்சினியர் ஆகவேண்டும்.இதான் பெரும்பாலான பெற்றோர்களின் கருத்தாக இருக்கும்....கொஞ்சம் படிப்பில் அந்தக்குழந்தையின் கவனம் சிதறினாலும் அவர்களை திட்டி தீர்க்கும் பல பெற்றோர்களை இந்த சமூகத்தில் நான் பார்த்திருக்கின்றேன்.

குழந்தையின் கவனம் படிப்பில் சிதறுகின்றதா என்ன காரணம் என்று ஆராயுங்கள் அதை சரிசெய்ய முயலுங்கள் அதைவிட்டு விட்டு..அவர்களை திட்டாதீர்கள்.

எனவே அன்பானவர்களே பிள்ளைகள் மீது நீங்கள் எதிர்பார்புவைப்பது தவறு இல்லை ஆனால் அவர்கள் மீது அதை திணிக்காதீர்கள்.

எதோ சமூகத்தில் நான் பார்த்த விடயங்களை வைத்து என் கருத்தை எழுதியுள்ளேன்...தவறு இருந்தால் பெரியவர்களே மன்னிக்கவும்....நானே குழந்தைதான் எனக்கு குழந்தைவளர்ப்பு பற்றி ஒன்றும் தெரியாது...

சரி நானும் யாரையாவது எழுத அழைக்கவேண்டுமே எனவே இந்தப்பதிவை தொடர அழைப்பது நிரூபன்,செங்கோவி,நாஞ்சில் மனோ,தனிமரம்,
(இதில் காட்டான் மாமாவையும் அழைக்கின்றேன் நேரம் இருந்தால் எழுதுங்க மாம்ஸ்)


என்னை அழைத்தது மாதிரி என் வயதை ஒத்த நம்ம பதிவர்களை அழைப்போம் என்று பார்த்தேன் பிறகு என்னை மாதிரி அவங்களும் இந்தப்பதிவை எழுத திண்டாடக்கூடாது என்பதால் திருமணமான நம்ம அண்ணன்களை தொடர அழைத்திருக்கின்றேன்....அப்ப நிரூபனை ஏன் அழைத்தாய் என்று கேட்டால் அவர் விதிவிலக்கு....ஹி.ஹி.ஹி.ஹி.....


இன்றையதகவல்-நம்ம முன்னால் உலக அழகி ஜஸ்வர்யா ராய்க்கு பெண்குழந்தை பிறந்துள்ளதாம்.(ரொம்ப முக்கியம் பாரு)

Post Comment