மாத்தியோசி:நம்பிக்கை என்பது அவரவர் விருப்பம் அதை ஏன் விமர்சிக்கவேண்டும்?

பதிவர் அகசியம் வலைப்பதிவின் ஓனர் வரோ அண்ணன் ஆரம்பித்த பதிவர்களுக்கிடையில் நட்புறவை மேலும் மேம்படுத்த மாத்தியோசி என்னும் தலைப்பில் ஒரு பதிவரின் தளத்தின் இன்னும் ஒரு பதிவர் ஒரு பதிவெழுதுதல் என்ற செயற்திட்டத்தில் வரோ அண்ணரின் கோரிக்கைக்கு இனங்க நான்,துஷி,மதுரன்,ஆமினா அக்கா,ஆகியோர் இதை ஏற்றுக்கொண்டு பதிவு எழுதினோம் அந்த வகையில் வரோ அண்ணனின் தளத்தில் ஆமினா அக்கா பதிவு ஒன்று எழுதினார்.மதுரனின் தளத்தில் நான் ஒரு பதிவு எழுதினேன் துஷியின் தளத்தில் வரோ அண்ணன் ஒரு பதிவு எழுதினார் அந்த வகையில் இன்று என் தளத்தில் துஷியின் பதிவு பிரசுரமாகின்றது....

முஸ்கி-இந்தப்பதிவை நான் எழுதவில்லை சக பதிவர் நண்பர் துஷ்யந்தன் தான் எழுதினார் எனவே இந்தபதிவுக்கான அனைத்து போற்றல்களும் அவருக்கே போய் சேரட்டும் .

அன்புடன்.

கே.எஸ்.எஸ்.ராஜ்

*********************************************************************************

நம்பிக்கை என்பது அவரவர் விருப்பம் அதை ஏன் விமர்சிக்கவேண்டும்?இந்துக்கடவுள்கள் அதிகம் தாக்கப்படுவது ஏன்..? 

மதங்களை தாக்கினால்தான் நீ அறிவாளியாக மதிக்கப்படுவாய் என்று யார் சொன்னார்களோ 

தெரியாது, மதத்தை தாக்குவது குறிப்பாக இந்துமதத்தை தாக்குவதும் விமர்சிப்பதும் இப்போ பேஷன் ஆகிவிட்டது.

கடவுள் நம்பிக்கை என்பது அவரவர் விருப்பம். அங்கு போய் நின்று தங்கள் விருப்பு வெறுப்பை அடுத்தவர் மேல் திணிப்பது மிகவும் கண்டனத்துக்கு உரியது. கடவுள் இல்லை என்று சொல்வதில் நியாயம் இருக்கலாம் ஆனால் அடுத்தவர் நம்பிக்கையை கொச்சைப்படுத்த எங்களுக்கு எந்தவித உரிமையும் இல்லை. நமக்கு ஒரு விடயத்தில் நம்பிக்கை இல்லை என்றால் நாங்கள் ஒதுங்குவதுதானே முறை. நமக்கு நம்பிக்கை இல்லாத ஒன்றை இன்னொருத்தர் நம்புகிறார் என்பதற்காக அவரையும் அவர் நம்பும் விடயத்தையும் மிக மோசமாக விமர்சிப்பது என்பது மிக இழிவான செயல் என்று இவர்கள் புத்திக்கு ஏன் உறைப்பது இல்லை..? கழுதைக்கும் மனிதனுக்கும் கல்யாணம் கட்டி வைப்பது போன்ற மதத்தின் பெயரால் அரங்கேறும் சில மூட நம்பிக்கைகளை நாம் எதிர்க்கலாம் அதில் தப்பும் இல்லை. ஆனால் அவற்றையே காரணம் காட்டி மதங்களையும் அந்த மதத்தில் உள்ளவர்கள் நேசிக்கும் கடவுள்களையும் மோசமாக சித்தரிப்பது என்பது விமர்சிப்பவர்களின் ஈன புத்தியையே காட்டிக்கொடுக்கிறது.

இங்கு இந்துக்கடவுள்களை மட்டும் நான் ஏன் குறிப்பிட்டு சொல்கிறேன் என்றால். இப்போது மிக அதிகம் கேவலப்படுத்தப்படுவது இந்துக்கடவுள்களே. சிவன் தலையில் சின்ன வீட்டை ஒளித்து வைத்துள்லாராமே என்று உள்ளூர்களில் சந்துபொந்துகளில் ஆரம்பமாகும் அறிவுஜீவிகள் பேச்சு வெளிநாட்டில் அந்த கடவுள்கள் படங்களை நீச்சல் உடையில் போட்டு கேவலப்படுத்துவது வரை செல்கிறது. இந்துக்கடவுகள் பற்றி பல விமர்சனங்கள் எழும்போதெல்லாம் நானும் தலையை பிச்சுட்டு யோசிச்சு இருக்கேன். இந்துமதங்களில் மட்டும்தான் தவறுகள் நடக்கிறதா?? வேறு மதங்களில் எல்லாம் உத்தம சீலர்கள்தான் இருக்கிறார்களா..?? என்று. தேடிய போது கிடைத்தவிடை என்னவோ பூச்சியம்தான். அப்போ ஏன் இந்துக்கடவுள்களை மட்டும் விமர்சிக்கிறார்கள்..? அங்கேதான் இவர்கள் இந்துமத துவேஷமும் வெட்டி வீரம் சந்தி சிரிக்கின்றது.

நித்தியானதசுவாமி சச்சிதானந்தசுவாமி என்று ஏதோ ஒரு பொறம்போக்கு சாமியார்கள் இந்துமத பெயரை சொல்லி தவறுகள் செய்யும் போது வரிந்து கட்டிக்கொண்டு நரம்பில்லா நாக்கால் இந்துமதத்தை நிர்வாண படுத்தும் இந்த அறிவுஜீவிகளுக்கு மற்ற மதங்களிலும் இப்படித்தான் ஏதோ ஒரு கருப்பு ஆடு தவறு செய்துகொண்டுதான் இருக்கின்றது  என்பது எப்படி தெரியாமல் போகின்றது..??

நித்தியானத்தசுவாமியை மேற்கோள் காட்டி மீடியாவால் இந்துமதம் கதற கதற மானபங்க படுத்திக்கொண்டிருக்கும் போது, 60க்கும் மேற்ப்பட்ட சிறுவர்-சிறுமிகளை கடத்தி பாலியல் பலாத்காரம் செய்த கிறிஸ்துவ பாதிரியார்கள் பற்றிய செய்தி எங்கேயோ ஒரு மூலையில் நாதியற்று அடங்கிப்போனது. இந்துமதத்தை விமர்சிக்கும் நடுநிலைவாதிகளின் உண்மைமுகம் கிழிந்து தொங்குவதன் சிறு உதாரணம்.

வேற்று மதங்களில் தவறுகள் நடக்கும் போது பாராமுகம் காட்டும் இவர்கள் இந்துமத பெயர் சொல்லி ஒரு கருப்பு ஆடு தவறு செய்யும் போது மட்டும் வரிந்துகட்டிக்கொண்டு வருவது ஏன் ?? அவர்களுக்கே தெரியும் இவன் எவ்ளோ அடிச்சாலும் தாங்குவான்  என்று. தங்கள் கோமணங்கள் உருவப்படும் போது கூட சுரணையற்று தன் பங்குக்கு தானும் ரெண்டு மேட்டரை எடுத்துகொடுப்பான் என்றும் அவர்களுக்கு தெரியும். இந்த காலத்தில் பெரிய மனதுடன் தவறுகளை ஒத்துக்கொள்வது கூட எங்களை தாக்கும் எதிரிகளின் ஆயுதங்களை கூர்மையாக்க உதவுகிறது என்பது கசப்பான உண்மை.

இந்துமதத்துக்கு இவ்ளோ வக்காலத்து வாங்கிறானே... இவன் ஒரு இந்துதான் என்று நீங்கள் யாராவது நினைத்தால் என் பதில் "ஆமாம்" என்பதுதான். அடுத்து இப்படியெல்லாம் எழுதுறானே இவன் ஒரு மத பற்றாளன் என்று நீங்கள் நினைத்தால்.. ஜ ஆம் சாரி.. எனக்கு கடவுள் நம்பிக்கை இல்லை. நான் மதங்களை வெறுக்கிறேன் ஆனால் குறிப்பிட்ட ஒரு மதத்தை மட்டும் திரும்ப திரும்ப உள்நோக்கம் கொண்டு தாக்குவதை எதிர்க்கிறேன்.

இந்துக்கடவுள்கள் மேல் தீராத காதல் கொண்ட ஒரு சராசரி இந்து குடும்பத்தில் இருந்துதான் நான் வந்தேன்  என்பதை ஒளிவுமறைவு இன்றி ஒத்துகொள்கிறேன்.  சின்னவயசில் குடும்பத்தில் உள்ளோரால் கடவுளுக்காக மனசில் உருவாக்கி வைத்திருந்த உயர்ந்த இடம் காலப்போக்கில் கடவுள் பற்றி அறிவு கேட்கும் கேள்விகளுக்கு பதில் சொல்ல முடியாமல் கரந்துபோனதும் உண்மை. ஆனாலும் இப்போதும் நான் கோயிலுக்கு போவேன் ஏன் தெரியுமா? அந்த கோயிலுக்கு வர சொல்லி அழைப்பது என் நேசத்துக்கு உரியவர்கள். எனக்கு அவர்கள் நம்பிக்கை சந்தோஷம் முக்கியம். 

சில நாட்களுக்கு முன்பு கூட உடைந்த ஒரு நட்பால் கவளையில் சோர்ந்து சோர்ந்து இருந்துவிட்டு சாப்பிடாமல் வேலைக்கு போய்விட்டேன். வேலைத்தளத்தில் நிக்கும் போது அம்மாவிடம் இருந்து போன். தம்பி இப்போதுதான் உனக்கு சனிப்பெயர்ச்சி ஆரம்பமாகி இருக்கு அதான் சோர்ந்து சோர்ந்து இருக்க, ஒவ்வொரு சனியும் கோயிலுக்கு போய் எள்ளன்னை எரிச்சா எல்லாம் சரியாகும் என்றாங்க. எனக்கு அந்த நேரத்திலும் அடக்க முடியாத சிரிப்பு. அம்மா.. அப்போ இனி ஏதும் வருத்தம் வந்தாலும் மருந்தெடுக்காம கோயிலுக்கு போயிட்டு மட்டும் இருக்கவா! ..ச்சும்மா இரும்மா எனக்கு நேரமில்லை என்று சொல்லியும் விட்டால்தானே அம்மா, கடைசியில் அவங்க சரிடா..  உனக்காக ஒவ்வொரு சனியும் நான் கோயிலுக்கு போய் எள்ளன்னை எரிக்கிறேன் நீ உன்கையால் ஒருநாள் மட்டும் எரிடா என்று விடாபிடியாக நின்று சம்மதம் வாங்கினாங்க. இப்போ வார சனிக்கிழமை இந்த வேலைப்பளுவின் மத்தியிலும் வேலைக்கு லீவு போட்டு கோயிலுக்கு போறேன். அங்குபோவது கடவுள் மேல் உள்ள அன்பால் அல்ல என் அம்மா மேல் உள்ள பாசத்தால். என் அறிவுஜீவி தனத்தை பயன்படுத்தி அம்மாவிடம் விவாதம் பண்ணியிருக்கலாம். ஆனால் அடுத்தவர் நம்பிக்கையை தகர்க்கவோ கொச்சபடுத்தவோ எனக்கு உரிமை இல்லை. அதைவிட காலம் காலமாக அவர்கள் நம்பிவரும் ஒரு விடயத்தை அவர்களிடம் இருந்து புடுங்கி எடுக்க நினைப்பதும்  தகர்க்க நினைப்பதிலும் முடியாத ஒரு காரியம். அப்படியே அதில் வெற்றி பெற்றாலும் அதன் பாதிப்பு மிக பெரிதாய் இருக்கும்..

எந்த மதமும் இன்னொரு மதத்தை கொச்சப்படுத்துவதை ஆதரிக்கவில்லை. தான் சார்ந்த மதத்தை தூக்கி பிடித்துக்கொண்டு இன்னொரு மதத்தை விமர்சிப்பது என்பது "என் பெற்றோர்தான் நல்லம் உன் பெற்றோர் கேவலம் " என்று சொல்லும் ஈன புத்திக்கு சமமானது. உங்களுக்கு கடவுள் நம்பிக்கையில்லையா... அப்படியே இருங்கள் ஆனால் அடுத்தவர் நம்பிக்கையை தகர்க்க முற்பட்டு அவர்கள் உணர்வுகளுடன் விளையாடாதீர்கள். இல்லை மனிதர்கள் மனங்களில் இருந்து மதங்களை விரட்ட வேண்டும் என்று நினைக்கிறீர்களா ?? சந்தோஷம்.. இது ஆரோக்கியமான எண்ணமே இதற்கு என்னிடமும் மாற்றுக்கருத்து இல்லை. ஆனால் ஒன்று.. மதங்களை விமர்சிப்பது என்பது இந்துமதத்தையும் அதன் கடவுள்களையும் விமர்சிப்பது என்பதுதான் என்றால். முதலில் சுத்தம் செய்யவேண்டியது உங்கள் மனங்களில் இருக்கும் இந்துமத துவேஷ அழுக்குகளைத்தான்.

by-துஷ்யந்தன்

*********************************************************************************

மாத்தி யோசி செயற்திட்டத்தில் 

துஷ்யந்தனின் தளத்தில் வரோ அண்ணன் எழுதிய பதிவை படிக்க இங்கே கிளிக்

வரோ அண்ணனின் தளத்தில் ஆமினா அக்கா எழுதிய பதிவை படிக்க இங்கே கிளிக்

மதுரனின் தளத்தில் நான்(கே.எஸ்.எஸ்.ராஜ்)எழுதிய பதிவை படிக்க இங்கே கிளிக்

*********************************************************************************

Post Comment