நல்ல நண்பர்கள் யார்?

நட்பு பற்றி இந்த தொடரில் பேசுவோம் இது சில பகுதிகளைக்கொண்ட ஒரு குறும் தொடராக இருக்கும்

குத்தினவன் நண்பனாக இருந்தாலும் அதைவெளியில் சொல்லக்கூடாது.சுந்தரபாண்டியன் படத்துல நம்ம சசிக்குமார் ஒருவசனம் பேசுவார்.இதுதான் உண்மையான நட்பு.வெருமனே முகத்துக்கு முன் மட்டும் சிரித்து பேசி மச்சான் நான் அப்படி இருப்பேண்டா  இப்படி இருப்பேண்டா உனக்கு ஒன்னுனா உசிரையும் கொடுப்பேண்டா என்று சொல்லும் நண்பர்களின் பசப்பு வார்த்தைகளின் மயங்கி அட இவன் தான் உண்மையான நண்பன் என்று நினைச்சால் அவ்வளவுதான்.நண்பர்களின் வார்த்தைகளை விட அவர்களது மனதை படிக்க தெரிந்திருந்தால் நண்பர்களுக்கு இடையில் பிரச்சனைகள் எப்போதும் வராது.

மனிதமனம் விசித்திரமானது அது ஒரு சுயநலவாதி.ஆனால் அது தேடுகின்ற உறவுகள் மட்டும் சுயநலம் அற்றதாக இருக்கவேண்டும் என்று எதிர்பார்க்கும் அந்த எதிர்பார்ப்பு பொய்யாகும் போது ஏமாற்றமே மிஞ்சி நிற்கும் இதுதான் யதார்த்தம்.

உதாரணமாக இரண்டு நண்பர்கள் இருக்கின்றார்கள் இணைபிரியாத நண்பர்கள்  ஒருவனின் தங்கை மீது மற்றவனுக்குகாதல் வருகின்றது.நண்பனின் தங்கை என்ற நினைப்பு அவனுக்கு கொஞ்சமும் வரவில்லை அவளைக்காதலிக்கின்றான்.அவளும் காதலிக்கின்றாள்.இருவரும் திருமணம் செய்துகொள்கின்றார்கள் இங்கே நட்பைவிட சுயநலமே மேலோங்கி நிற்கின்றது.

தன் நண்பன் தனக்கு துரோகம் செய்துவிட்டான்  தன் தங்கையை காதலித்துவிட்டான் என்ற ஏமாற்றமே மற்ற நண்பனுக்கு மிஞ்சி நிற்கும் அதுவே கோபமாக மாறி அவர்கள் நட்பில் விரிசலை ஏற்படுத்திவிடும்.ஒருவேளை அவன் தன் நண்பனை மன்னித்து ஏற்றுக்கொண்டாலும் அந்த நட்பில் விரிசல் இருக்கத்தான் செய்யும்

சுயநலம் இல்லாத நண்பர்களே தேடுவது கடினமான காரியம்.ஏன் என்றால் மனிதர்கள் எல்லோறும் ஏதோ ஒரு விதத்தில் சுயநல வாதிகள் தான்.ஆனாலும் கிடைப்பார்கள் பிடல் காஸ்ரோவிக்கு ஒரு சேகுவாரா கிடைத்ததை போல சுயநலம் இல்லாத மனிதர்களும் நண்பர்களாக கிடைப்பார்கள்.

நண்பர்கள் என்றால் என்னேரமும் ஒற்றுமையாகத்தான் இருக்கனும் மாற்றுக்கருத்து சொல்லக்கூடாது என்று இல்லை தட்டிக்கொடுக்க வேண்டிய இடத்தில் தட்டிக்கொடுத்து கண்டிக்கவேண்டிய இடத்தில் கண்டிக்கவேண்டும் அதுவே நல்ல நண்பனுக்கு அழகு.

ஒருவன் வேலையில்லாமல் கஷ்டப்படுகின்றான் அவனுக்கு ஒரு நல்லவேலை கிடைக்கின்றது.ஆனால் அவனது நன்பன் இவனுக்கு இப்படி ஒரு வேலை கிடைப்பதா என்று அந்த கம்பனியில் அவனை பற்றி இவன் இதுக்கு தகுதியில்லாதவன் இவனால் இந்த வேலை செய்யமுடியாது என்று இல்லாதது பொல்லாதது எல்லாம் சொல்லிவிடுகின்றான் இதானால் முதலாமானவனுக்கு வேலைகிடைக்கவில்லை.

ஆனால் அவனது வேலைக்கு வேட்டு வைத்தவன் மிக சாதாரனமாக எதுவும் நடக்காதது போல பழகுகின்றான்.தன் நண்பன் தான் தன் வேலைக்கு வேட்டு வைத்தான் என்று தெரிந்தும் அது பற்றி அவனிடம் ஒரு வார்த்தை கூட கேட்காமல் அவனுடன் தொடர்ந்து பழகுகின்றான் காரணம் அவன் நட்பு தூய்மையானது. 

ஆனால் இப்படியான நண்பர்களுடன் பழகுவதைவிட அவர்கள் நட்பை மெல்ல மெல்ல குறைத்துக்கொள்வதே சிறந்தது.காரணம் நண்பர்களுக்கு இடையில் பொறாமை வந்துவிட்டால் அந்த நட்பின் வலு குறைந்துவிடம் எப்படா மற்றவன் காலைவாரலாம் என்றுதான் சிந்திப்பார்கள் எனவே நண்பர்களுக்கு இடையில் பொறாமை வந்துவிட்டது என்று தெரிந்தால் அந்த நட்பை மெல்ல மெல்ல குறைத்துக்கொள்வதுதான் புத்திசாலித்தனம்.

(நட்பு பற்றி இன்னும் பேசுவோம் அடுத்த அடுத்த பகுதிகளில்)

படங்கள்-கூகுள்

நண்பர்கள் தளத்தின் வாசகர்கள் அனைவருக்கு இனிய புத்தாண்டு வாழ்த்துகள்

Post Comment