சகுனி அவ்வளவு சப்பை படமா?

கடந்த சில நாடகளாக சகுனி படம் பற்றி பலர் பலவிதமாக கருத்துக்களை சொல்லி வருகின்றனர்.பலரது விமர்சனங்களில் சகுனி அவ்வளவு நல்ல பெயரை பெறவில்லை.ஆனாலும் அது அவ்வளவு சப்பை படமா? 

எவ்வளவோ மொக்கை படம் எல்லாம் பார்த்திட்டம் இதை பார்க மாட்டமா?சரி பார்ப்போம் என படம் பார்த்தேன்..

படத்தின் கதை-(அப்படி எதாவது இருக்கா)கார்த்தியின் சொந்த ஊரில் இருக்கும் அவரின் வீட்டை ரயில்வே ட்ராக் போடுவதற்காக இடிக்க போகின்றார்கள்.கார்த்தி சென்னைக்கு போய் அங்கு மினிஸ்டரை சந்தித்து மனுகொடுத்து தன் வீட்டை காப்பாத்த வருகின்றார்....அங்கு பலரால் ஏமாற்றப் படும் கார்த்தி.பின் கிங் மேக்கராக மாறி அரசியலில் எவ்வளவு மாற்றங்களை உண்டு பண்ணுகின்றார்.கடைசியில் தன் வீட்டை மீட்டாரா இல்லையா என்பதுதான் கதை.

சந்தாணத்தின் பாத்திரம் தான் படத்தை ஓரளவு தூக்கி நிறுத்துகின்றது.

அதைவிட இந்த படத்தில் ஹீரோயின் என்ற ஒருவர் இருக்காரா?ஹீரோக்களுக்காக படம் பார்க்க வரும் ரசிகர்கள் எந்தளவோ அதுக்கு சமமாக ஏன் அதுக்கும் மேல ஹீரோயினுக்காக படம் பார்க்க வரும் ரசிகர்கள் இருக்காங்க(நாங்க தான்)ஹி.ஹி.ஹி.ஹி.....சோ இதுல ஏதோ பசிக்கிற குழந்தைக்கு மிட்டாயை காட்டி இதுதான் மிட்டாய் ஆனா தரமாட்டேனு சொல்லுற மாதிரி இருக்கு ஹீரோயின் பாத்திரம்.

நாங்கெல்லாம் ஜஸ்வர்யாராயிக்காகவே 50 வாட்டி ஜோதா அக்பர்,சிம்ரனுக்காக 20 வாட்டி கோவில் பட்டி வீரலட்சுமி,நக்மாவுக்காக 15 வாட்டி பாட்ஷா,ஜோதிகாவுக்காக...10 வாட்டி சந்திரமுகி.அஞ்சலிக்காக 5 வாட்டி மங்க்காத்தா,ஹன்சிக்காவுக்காக 1 வாட்டி வேலாயுதம்(ஹி.ஹி.ஹி.ஹி) பார்தவங்க எங்க கிட்ட ஹீரோயினை சும்மா ஒரு சில சீன்ல காட்டினா அந்தப் படம் பார்பமா? ஹி.ஹி.ஹி.ஹி.......

இவங்க தான் சகுனி பட ஹீரோயின் ஹி.ஹி.ஹி.ஹி......

அப்பறம் கார்த்தி தமிழ் சினிமாவில் எனக்கு பிடித்த நடிகர்களில் ஒருவர்.அவரது படங்கள் எல்லாம் உடனே பார்த்துவிடுவேன் ஆனால் அவரின் ஏனைய படங்களுடன் ஓப்பிடும் போது சகுனி சறுக்கல் தான்.

படத்தின் அனுஷ்கா,ஆண்ட்ரியா,பாத்திரம் எல்லாம் ஏன் என்று தெரியவில்லை.அது எல்லாம் தேவையே இல்லை.

பிரகாஸ்ராஜ் படத்திற்கு நல்ல தேர்வு.ஆனாலும் வழமையான படங்களில் பார்க்கும் அதே வில்லத்தன நடிப்புதான்.இவரின் பாத்திரத்தையாவது கொஞ்சம் மெருகூட்டியிருக்கலாம்.

சில காட்சிகளில் வந்தாலும் நாசர் மனதை அள்ளுகின்றார்.ராதிகாவின் பாத்திரம் பரவாயில்லை.

ஹீரோயின் அம்மாவாக வரும் ரோஜா,அப்பறம் கிரண்,இப்படி நட்சத்திர பட்டாளம் படத்தில் இருந்தும் படம் பெருசா ரசிக்கும் படி இல்லை.

பாடல்கள் பரவாயில்லை ஆனாலும் பெரிதாக மனதில் ஒட்டவில்லை.

அதற்காக படம் முழுவதும் மொக்கை என்றும் இல்லை பார்கலாம்.

ஆனால் கொஞ்சம் மெருகூட்டியிருந்தால் பக்கா கமர்சியல் படமாக இருந்திருக்கும் ஜஸ்ட் மிஸ்.

Post Comment