இலங்கை பதிவுலகம் செல்லும் நிலை சரிதானா?

வணக்கம் நண்பர்களே என் மனதில் ரொம்ப நாளாக ஒரு கேள்வி இருந்துகொண்டே இருந்தது அதாவது இந்திய பதிவுலகுடன் ஒப்பிடும் போது எமது இலங்கை பதிவுலகத்தின் நிலை அவ்வளவு சிறப்பானதாக இல்லை

எம்மை எல்லாம் பதிவுலகில் வளர்த்துவிட்ட எம் எழுத்துக்களை ஊக்கப் படுத்தியவர்கள் பெரும்பாலும் இந்திய உறவுகள் தான்.நான் பதிவெழுத வந்து ஒன்றரை வருடங்களுக்கு மேல் ஆகப்போகுது ஆனால் எனக்கு தெரிந்த இலங்கை பதிவர்களை விரல் விட்டு எண்ணலாம்,மைந்தன் சிவா,மதி சுதா,மதுரன்,ஜீ,அமல்ராஜ் அண்ணா,வரோ அண்ண ஜனா அண்ணா,லோசண் அண்ணா,அதைவிட புலம் பெயர்ந்து இருக்கும் நிரூபன்,ஜடியாமணி,காட்டான்,தனிமரம்,கந்தசாமி,அம்பலத்தார்,துஷி,

இவர்களையும் இதில் உள்ளடக்கலாம்.இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

இப்படித்தான் ஏனைய இலங்கை பதிவர்களுக்கும் ஒரு சிலரை மாத்திரமே தெரிந்திருக்கும் பெரும்பாலும் இந்திய சொந்தங்களுடன் தான் பதிவுலகில் அதிக  நெருக்கம் எமக்கு இருக்கின்றது.இந்தியாவை போன்று இங்கு பதிவர்கள் பதிவர் சந்திப்புக்களை அடிக்கடி நடத்துவது இல்லை.நான் பதிவுலகிற்கு வருவதற்கு முன்பு லோசன் அண்ணாக்கள் பதிவர் சந்திப்புக்களை நடத்தியிருந்ததை அறிந்திருக்கின்றேன் இப்ப அவர்களும் நடத்துவது இல்லை என நினைக்கின்றேன்.

இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

உண்மையில் பதிவர் சந்திப்புக்கள் என்பது அவசியமான ஒன்று பதிவர்களுக்கு இடையில் நல்ல புரிந்துணர்வுகளை ஏற்படுத்தும்.அதைவிட இந்தியாவுடன் ஒப்பிடும் போது இங்கே பதிவர்களுக்கான ஆதரவு குறைவே.ஆனந்தவிகடன் போன்ற பிரபலமான பத்திரிக்கைகள்,தளங்கள்,பதிவர்களை மக்களிடையே அறிமுகம் செய்வதில் பிரதான பங்கு வகிக்கின்றன உதாரணமாக,விகடன் குழுமத்தில் வலையோசை,விகடன் குட் ப்ளாக் என்று ஓவ்வொறு பதிவர்களையும் மங்களிடையே அறிமுகம் செய்கின்றன இதனால் நல்ல எழுத்துக்கள் நல்ல படைப்புக்கள் அங்கிகாரம் பெருகின்றன,என் பதிவுகள் கூட பல விகடன் குட் ப்ளாக்கில் தெரிவாகியிருக்கின்றது.ஆனால் இலங்கையில் அப்படி ஒரு நிலை எனக்கு தெரிய குறைவாகவே உள்ளது.

இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

வெற்றி வானொலியில் நாளும் ஒரு தளம் என்று லோசன் அண்ணா அறிமுகம் செய்துவருகின்றார் அது வரவேற்க வேண்டிய விடயம்.

இந்த நிலை மாறவேண்டும் இலங்கையிலும் பதிவுலகம் பிரபலம் அடையவேண்டும் அதற்கு என்ன வழி என்று இலங்கை பதிவுலக நண்பர்களே சிந்தியுங்கள் முதலில் பதிவர் சந்திப்புக்களை அதிகளவு நடத்தவேண்டும்.

இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

இங்கேயும் திறமையான பல பதிவர்கள் சரியான அங்கிகாரம் இல்லாமல் இருக்கின்றார்கள் உதாரணமாக என்னை மிகவும் கவர்ந்த இலங்கை பதிவர்களில் ஒரு பதிவர் மதிசுதா இவரின் எழுத்துக்களில் எப்பவும் ஒரு சமூக அக்கறை இருக்கும்.காத்திரமான விவாதங்கள் இருக்கும்.ஆனால் அவருக்கான அங்கிகாரம் என்பது எந்த அளவில் இருக்கு?இதுவே மதிசுதா இந்திய பதிவராக இருந்திருந்தால் நிச்சயம் அவருக்கான அங்கிகாரம் வேறு மாதிரியாக இருந்திருக்கும்.பல முன்னனி ஊடகங்களில் அவரது படைப்புக்கள் வெளிவந்திருக்கும் ஒரு சிறந்த சமூக எழுத்தாளனாய் நிச்சயம் மாறியிருப்பார்.இப்படி எத்தனையோ பதிவர்கள் இருக்கின்றார்கள்.

எனவே இந்திய பதிவுலகத்தை பார்த்து பொறாமையில் இந்த பதிவு எழுதப் பட்டது இல்லை இதை இந்திய உறவுகள் புரிந்துக்கொள்வார்கள் என்று நினைக்கின்றேன்.இந்தியாவுக்கு போகும் போது என்னால் மதுரையில் பதிவர் தமிழ்வாசி பிரகாஸ் அண்ணனை சந்திக்க முடிகின்றது என்றால் ஏன் யாழ்பாணத்தில் இருக்கின்ற மதிசுதாவையோ இல்லை மதுரனையோ மன்னாரில் இருக்கின்ற அமல்ராஜ் அண்ணாவையோ சந்திக்க முடியவில்லை.அதுக்கு காரணம் இலங்கை பதிவர்கள் எமக்கிடையில் சரியான புரிந்துணர்வு இல்லை இதுக்கு காரணம் இந்தியாவை போல இங்கே அடிக்கடி பதிவர் சந்திப்புக்கள் நடத்தப் படுவது இல்லை புதிதாக பதிவெழுதவரும் பதிவர்களுக்கான அங்கிகாரம் சரியாக இல்லை பிரபலமான பதிவர்கள் மாத்திரம் அறியப் படுகின்றார்கள் புதிய பதிவர்கள் வந்த இடம் தெரியாமல் காணாமல் போய்விடுகின்றார்கள்.

என் நண்பர்கள் தளம் பதிவுலகில் ஓரளவு அறியப்பட்ட தளம் தான் ஆனால் இலங்கை பதிவர்களில் எத்தனை பேருக்கு எனது தளம் தெரியும் என்றால் நிச்சயம் விரல் விட்டு எண்ணலாம்.இதுவே இந்திய சொந்தங்களிடம் இல்லை புலம் பெயர் உறவுகளிடம் கேட்டால் ராஜ் அவன் என் சகோதரன் என்று சொல்லும் அளவிற்கு எனக்கும் அவர்களுக்கும் இடையில் நல்ல புரிந்துணர்வு இருக்கு.இது போலதான் இலங்கையில் இருக்கும் பல பதிவர்களின் நிலை.

பதிவர் நிரூபன் அண்ணா அவர்களால் முகப்பு புத்தகத்தில் உருவாக்கப் பட்ட நாற்று குழுமம் பதிவர்களுக்கு இடையில் நல்ல உறவுப் பாலமாக பல புதியவர்களை அடையாளம் காட்டும் இடமாக இருந்தது.நான் எல்லாம் பதிவுலகில் வளர்ந்தது அங்கிருந்துதான் ஆனால் அங்கேயும் பல உள் குத்து அரசியல்கள்,ஈகோ பிரச்சனைகள் போன்ற பல விடயங்களால் அதன் நோக்கம் மாறிவிட்டது.தற்போது மீண்டும் நாற்று குழுமம் புத்துணர்ச்சி பெற்று இருப்பது வரவேற்க வேண்டிய விடயம்.ஆனால் அங்கே எத்தனை இலங்கை பதிவர்கள் இருக்கின்றார்கள் என்று கேட்டால் நிரூபன் அண்ணாவால் கூட சொல்ல முடியாது. ஒரு சில பிரபலமான பதிவர்களை தவிர பெரும்பாலும் புலம் பெயர் இலங்கை பதிவர்களே இருக்கின்றார்கள்.இலங்கை பதிவர்களின் பங்களிப்பு அங்கு குறைவே

நண்பர்களே இந்தப்பதிவு யாருக்கும் உள்குத்தும் இல்லை வெளிக்குத்தும் இல்லை யார் மனசையும் புண்படுத்துவதும் நோக்கம் இல்லை இலங்கையில் பதிவர்களுக்கு இடையில் நல்ல புரிந்துணர்வு ஏற்படவேண்டும் அடிக்கடி பதிவர் சந்திப்புக்கள் இடம் பெறவேண்டும் நல்ல படைப்புக்கள் அங்கிகாரம் பெறவேண்டும் என்ற நோக்கத்தில் எழுதப் பட்டது இந்த பதிவு யார் மனதையும் புண்படுத்தியிருந்தால் அவர்கள் மன்னிக்கவேண்டும்.

மாற்றம் பெருமா இலங்கை பதிவுலகம் பொறுத்திருந்து பார்ப்போம்.

முஸ்கி-இது என் 175 வது பதிவு ஒரு நல்ல விடயம் சொன்னதாக மனதிற்கு ஒரு திருப்தி 

*********************************************************************************
விரைவில் உங்கள் நண்பர்கள் தளத்தில் புதிய தொடர்

*********************************************************************************

Post Comment