(பகுதி-4)என் உயிர் நீ தானே.....

இந்தக்கதையில் வரும் பெயர் ஊர்கள் அனைத்தும் மாற்றப்பட்டுள்ளது
இந்தக்கதை ஈழத்தில் நடந்தகதை கதை நடந்த இடத்தின் உரைநடையில் அப்படியே வருகின்றது
இந்தத்தொடரின் முன்னைய பகுதிகளைப்படிக்க

• பகுதி-1
• பகுதி-2
• பகுதி-3

கடந்த பதிவில்-
புஸ்பாவின் அம்மா,தங்கைச்சி,தம்பி,வந்ததில் இருந்து சுதனின் வீட்டில் சந்தோசம் இரட்டிப்பானது ஆனால் அடுத்து ஒரு புதிய பிரச்சனை இருந்தது.
அது என்ன
இனி...........


காம்னாவுடன் ஏற்பட்ட அந்த சம்பவங்களை சுதன் நினைத்துப்பார்த்தார்
காமம் தலைக்கேறிய போது சரியாக தெரிந்த அந்த சம்பவம் இப்போது தவராக தெரிந்தது தன்னை நம்பி வந்த புஸ்பாவுக்கு துரோகம் செய்துவிட்டோமே என்று குற்ற உணர்ச்சி அவரை வாட்டியது...இனி காம்னாவை திரும்பிக்கூட பாப்பது இல்லை என்று முடிவுக்கு வந்தார்.....

சுதனின் குடும்பத்தில் முன்பு இரண்டு பேர் மாத்திரம் என்ற படியால் அவரது உழைப்பு போதுமானதாக இருந்தது இப்போது புஸ்பாவின் அம்மா,தம்பி,தங்கை எல்லோறும் வந்தால் சுதனின் உழைப்பு போதுமானதாக இருக்கவில்லை
ஆதனால்.இளைஞனான புஸ்பாவின் தம்பி வெள்ளையனும் சுதனுடன் சேர்ந்து வேலைக்குப்போகத்தொடங்கினான்.புஸ்பாவின் அம்மாவும்,தங்கையும்,சுதன் செட்டில் சேர்ந்தே வயல்களில் வேலை செய்தார்கள்

புஸ்பாவின் தங்கைக்கு தங்கத்திற்கு புஸ்பாவை விட இரண்டு வயதுதான் குறைவு.அவ்வளவு அழகு இல்லை என்றாலும்..அவளிலும் எதோ ஒரு வசிகரம் இருந்தது.
இதற்கு இடையில் சுதன் முன்பு 1500 ரூபாவுக்கு வாங்கிய சைக்கிள் உடைந்துவிட்டது(பழுதாகி)இதனால் அதை திருத்த நிறைய காசு தேவை என்பதால் அவர் திருத்தாமல் விட்டு விட்டார்.இதனால் ஒரு ஆத்திர அவசரத்துக்கு கூட(அவசரமான நேரங்களில்)பக்கத்துவீட்டுல சைகிள் இரவல் வாங்கிக்கொண்டுதான் போக வேண்டி இருந்தது

புஸ்பா சொன்னாங்க ஏன் சுதன் ஒரு சைக்கிள் வாங்குங்கவன்.என்ன கதைக்கிற புஸ்பா சைக்கிள் இப்ப என்ன விலை 5500 ரூபா 6000 ரூபா வரும் அவ்வளவு காசுக்கு நான் இப்ப எங்க போவது.
இந்த நேரத்தில் சுதனின் அண்ணன் முறையிலான உறவிணர் ஒருவர்..சுதனைப்பார்க்க வந்து இருந்தார் அவர் சுதனுக்கு ஒரு புதுச்சைக்கிள் வாங்கிக்கொடுத்தார்.5500 ரூபாவுக்கு அப்ப ஹீரோ ரோயல் என்று இந்தியன் தயாரிப்பில் ஒரு சைக்கிள் அப்ப வந்தது அதைத்தான் வாங்கிக்கொடுத்தார்.

சுதன் கங்கானியாக இருக்கும் செட்டில் மூக்காயி என்று ஒரு பெண் வேலைசெய்தாள் அவளும் சுதன் இருக்கும் காணியில் தான் இருந்தார்கள் அந்தப்பெண்ணின் எல்லாப் பிள்ளைகளும் கலியாணம் முடித்துவிட்டார்கள்.கடைசி மகள் ரதி மட்டும்தான் படித்துக்கொண்டு இருந்தாள்.நல்ல அழகான பெட்டை(பொண்ணு)அந்தக்காணியில் இருந்த பொண்ணுங்களில் மிகவும் அழகானவள் என்றால் அது ரதிதான்.இதனாலே அந்தக்காணியில் இருந்த பல வாலிபப்பசங்களுக்கு அவளில் ஒரு கண்.

ரதி 10ம் பகுப்பு வரை படித்தும் மூக்காயி அவள் படிப்பை நிப்பாட்டி விட்டார்
படித்தது போதும் வீட்டில இரு எப்படியும் உனக்கு ஒரு கலியாணத்தை கட்டி வைத்துவிட வேனும்.இதான் மூக்காயி அடிக்கடி ரதியிடம் சொல்லும் வார்த்தை

ரதிமேல் மூக்காயிக்கு சந்தேகம் அவள் கடைக்குபோனால் அந்தக்காணியில் இருக்கும் இளைஞர்கள் ரதியை ஏதும் பார்த்து சொன்னால்(கதைத்தால்)உடனே மூக்காயி ரதி வீட்டிற்கு வந்ததும் தும்புத்தடியால் அடிப்பாள்
ரதி எவ்வளவு கெஞ்சினாலும் அவன்கள் வந்து கதைத்தால் நான் என்ன செய்வது அம்மா.நான் கடைக்குத்தானே போனேன் நான் ஒரு பிழையும் செய்யலை அம்மா இப்படி ரதியின் தாயிடம் கதறினாலும் மூக்காயி கேட்பது இல்லை உனக்கு என்னடி கடைக்கு போகவேண்டிய தேவையிருக்கு..பேசாம சாமத்தியப்பட்ட உடனே(வயசுக்கு வந்த)சனியனைக்கட்டிக்கொடுத்து இருந்தாள் இப்படி பிரச்சனை எல்லாம் வராது.இது மூக்காயின் புலம்பல்

உண்மையில் இங்கே ரதி தவறு எதும் செய்வது இல்லை காணியில் உள்ள இளைஞர்கள் அவள்மேல் காதல் கொண்டு திரிந்தாள் அதற்கு இந்த அபலைப்பெண் என்ன செய்வாள் அழகாக பிறந்தது இவள் செய்த குற்றமா?
இதை மூக்காயி உணர்ந்து கொள்ளவில்லை.

ஊரில் எங்கள் சித்தப்பாவீட்டில் படம் போடுவார்.சுதன் அண்ணாவின் காணியில் இருக்கும் பெரும்பாலாண குடும்பங்கள் சித்தப்பா வீட்டில்தான் படம் பார்ப்பார்கள் ஏன் என்றால் ஊரில் தியேட்டர்கள் எதுவும் இல்லை எங்கள் ஊரில் மட்டும் இல்லை வன்னியில் யாழ்ப்பாணத்தில்தான் தியேட்டர்கள் உண்டு .கிளிநொச்சி,முல்லைத்தீவு மாவட்டங்களில் தியேட்டர்களே இல்லை ஆனால் மினி என்று சொல்லப்படும் டீவியில் அல்லது சின்ன அளவு திரைகளில் படம் காட்டும் தியேட்டர்கள் இருந்தன.அதற்கு 15 ரூபா டிக்கெட் அப்ப ஆனால் புதுப்படங்கள் வராது பழய படங்கள்தான் வரும்.ஒரு படம் ரிலீஸ் ஆகி வன்னிக்கு வர நீண்ட நாட்கள் ஆகும்
அதுவும் திரைப்படங்களில் வரும் சில காட்சிகள்,பாடல்கள் சென்சார் பண்ணியே வெளியிடப்படும் வன்னியில்அப்போது இதான் நடை முறை.

ஊருக்குள் சித்தப்பா வீட்டில் படம் போடுவதால் சுதன் அண்ணாவின் காணியில் இருந்த பலர் ஒன்று சேர்ந்து படக்கொப்பி எடுபார்கள்(வீடியோ கேசட்)அப்ப படக்கொப்பி ஒன்றின் ஒரு நாள் வாடகை 50 ரூபா.
ஒரு இரவுக்கு இரண்டு மூன்று படங்கள் ஓடும்.அதிலும் படங்களில் வடிவேல் கவுண்டமணி,போன்றோர் நகைசுவை அதிகம் உள்ள படங்கள் தான் அனேகரின் தெரிவு.
நாள் பூராகவும் வயல்களில் உழைத்து களைத்த மக்கள் சந்தோசமாக இருப்பது இப்படி படங்கள் பார்ப்பதில்தான்.

படம் பார்க்க வந்தாலும் மூக்காயி ரதியை கவனித்துக்கொண்டுதான் இருப்பார் அவள் யாருடனும் கதைக்கின்றாளா என்று.

ஊரில் பெரும்பாலும் எல்லோறும் கல்வியில் பின் தங்கியவர்கள் தான்..எங்கள் ஊரில் அப்போது பாடசாலைகளில் படித்துக்கொண்டு இருந்தது சிலர் மட்டும்தான் அதற்கு காரணம் எங்கள் ஊரில் நாலைந்து குடும்பங்களைத்தவிர மற்ற அனைவரும் பெரும்பாலும் வயல் நிலங்களில் கூலி வேலை செய்து வாழும் மக்கள் அவர்கள் அவர்கள் பிள்ளைகளை படிக்கவைப்பது இல்லை.

ஒரு நாள் சுதன் அண்ணாவின் காணியில் யாரோ கத்தி அழும் சத்தம் கேட்டது
(தொடரும்)


பிற்குறிப்பு -இந்தத்தொடரின் நோக்கம் இதில் வரும் மக்களை புண்படுத்துவது இல்லை..இவர்களிடையே பல பிரச்சனைகளுக்கு காரணம் இவர்கள் கல்வியில் பின் தங்கியிருந்ததே ஆகும்.ஆனால் இன்று இந்த குடும்பங்களில் இருந்தும் பல குழந்தைகள் பாடசாலைக்கு போகின்றார்கள் இவர்களது வாழ்க்கை முறை கொஞ்சம் மாறியுள்ளது.இவர்களின் குழந்தைகள் கல்வியில் வளரவேண்டும் இவர்கள் வாழ்க்கை முறை மாறவேண்டும் என்பதே என் விருப்பம்.


இன்றைய தகவல்-இளையதளபதி விஜயும் அஜித்தும் இதுவரை இணைந்து நடித்துள்ள ஒரே திரைபடம் ராஜாவின் பார்வையிலே.இந்தப்படத்தில் வைகைப்புயல் வடிவேலுவும் நடித்து இருப்பது மேலும் சிறப்பம்சம்.ஆனால் இந்தப்படத்தில் ஹீரோ விஜய்தான் அஜித் சில காட்சிகளில் நடித்து இருப்பார்


இந்தப்பந்தி பதிவர்களுக்கு மட்டும் 
நண்பர் பதிவர் துஷி கேட்டு இருந்தார் ஏன் சரன்யாவை மட்டும்தான் கூட்டி வந்து கருத்துரை,ஓட்டு கேட்பியா தேவயானி எல்லாம் கூட்டி கொண்டு வந்து கேட்டா என்ன குறைஞ்சா போயிடுவ அப்படி இப்படி என்று கன்னாப் பின்னமாக கொந்தளிச்சி இருந்தார்.இதோ அவருக்காக தேவயாணி மேடத்தை கூட்டி வந்தாச்சி என்ன அவங்க தனியா வரமாட்டாங்களாம் குடும்பத்துடன் தான் வருவாங்களாம்

துஷியின் அழைப்பின் பேரில் வந்தாச்சு கருத்துரை,ஓட்டு மறக்கவேண்டாம்.

Post Comment