இரும்பு மனிதன் கேணல் கடாபி ஒரு பார்வை

ஆபிரிக்காவின் வட எல்லையில் மத்திய தரைக்கடல் பகுதிக்கு அண்மையில் சூடானுக்கும் எகிப்துக்கும் இடையில் அமைந்துள்ள நாடு லிபியா. இந்நாட்டின் அதிபர் முகமர்கடாபி 42 ஆண்டுகளாக லிபியாவின் அதிகாரத்தை தன் இரும்புப்பிடிக்குள் வைத்திருந்தார் இவருக்கு இரண்டு மனைவிகள் மூலம் எட்டுப் பிள்ளைகள் உள்ளனர் அதில் ஏழுமகன்களும்,ஒரு மகளும்..உள்ளனர்

 இளம்வயதில் அதாவது 27 வயதில் லிபியாவின் ஆட்சியைக்கைப்பற்றி 42 வருடங்கள் லிபியாவை தன் இரும்புப்பிடிக்குள்வைத்திருந்த கேணல் முகமர் கடாபி. சிர்தே நகரை அந்நாட்டு இடைக்கால அரச படையினர் கைப்பற்றியதையடுத்து கடாபி கைது செய்யப்பட்டு, காயம் காரணமாக அவர் பின்னர் உயிரிழந்ததாக அறிவிக்கப்படடுள்ளது.


அவரது வரலாற்றை நோக்கினால்
1942ஆம் ஆண்டு ஜூன் மாதம் 7ஆம் திகதி பிறந்த கடாபி இளம் வயதில் லிபிய இராணுவத்தில் இணைந்து கொண்டார் .1966ஆம் ஆண்டு பிரிட்டனுக்கு ராணுவப் பயிற்சிக்குச் சென்றார்.
மீண்டும் நாட்டிற்கு திரும்பிய அவர், தனக்கென ஆதரவாளர்களைத் திரட்டியதுடன் தனி சாம்ராஜ்சியம் ஒன்றை நிறுவ வேண்டும் என்ற மன உறுதியை வளர்த்துக்கொண்டார். இச் சந்தர்ப்பத்தின்போதே லிபிய மன்னர் சிகிச்சைக்காக வெளிநாடு சென்றிருந்த நிலையில் இராணுவப் புரட்சி மூலம் ஆட்சியைக் கைப்பற்றினார்.

1969ஆம் ஆண்டு செப்டெம்பர் மாதம் முதலாம் திகதி ஆட்சியைக் கைப்பற்றி லிபிய அரபுக் குடியரசு என்று அறிவித்தார். 42 வருடங்களாக தொடர்ந்து ஆட்சியைத் தன் இரும்புப் பிடிக்குள் வைத்து ஆட்சி செய்துள்ளார். கடாபி முப்படைத் தளபதியாகவும், ஆளும் கமிட்டியின் தலைவராகவும் ஆனார். 1970 ஆண்டு முதல் 1972 பிரதமராகவும், இராணுவ அமைச்சராகவும் இருந்தார்.  தொடர்ந்து அதிபராக தானே நீடித்தார்.

இவரது மூத்த மகன் முஹம்மது அல் கடாபி - இவர் லிபியா ஒலிம்பிக் சங்கத்தின் தலைவராக இருந்திருக்கின்றார் இரண்டாவது மகன் சைப் அல் இஸ்லாம் கடாபி - இவர் அரசாங்கத் தரப்பில் ஒரு பெரிய தர்ம ஸ்தாபனத்தை நிர்வகித்துக் கொண்டிருந்துள்ளார். மூன்றாவது மகன் சாதி கடாபி - தேசிய உதைபந்தாட்டக் கழகத்தின் தலைவராக இருந்திருக்கின்றார் நான்காவது மகன் முடாசிம் கடாபி – லிபிய இராணுவத்தில் உயர்ந்த பதவியை வகித்திருக்கின்றார். 


 தேசிய பாதுகாப்பு ஆலோசகர் பதவி இவருடையதாகவே இருந்து வந்துள்ளது. ஐந்தாவது மகன் ஹன்னிபால் கடாபி - நாட்டின் எண்ணெய் வளம் முழுவதையும் மேற்கொண்டிருக்கும் நிறுவனத்தை நிர்வகித்து வந்துள்ளார். ஆறாவது மகனான சைப் அலி கடாபியும், ஏழாவது மகனான காமிஸ் கடாபியும் நாட்டின் பொலிஸ் நிர்வாத்தைக் கவனித்து வந்துள்ளார்கள் அவரது ஒரே மகள் – ஆயிஸா அல் கடாபி ஒரு சட்டத்தரணியாவார். நாட்டின் நீதி நிர்வாகத்தில் முக்கிய பங்கு வகிப்பவராக இருந்திருக்கின்றார்

கடாபி திருமணமாகாத இளம்பெண்களைக் கொண்ட படையொன்றை அமைத்து வைத்திருந்தார். 
கடாபியின் அராஜக ஆட்சியில் அதிருப்தி அடைந்த மக்கள் புரட்சிப் படை அமைந்தது. கடந்த பெப்ரவரி மாதம் கடாபிக்கு எதிரான கிளர்ச்சி தொடங்கியது. அதனை ஒடுக்குவதற்கு இராணுவத்தை அனுப்பினார் கடாபி. இரு தரப்புக்கும் பயங்கர சண்டைநீடித்தது. புரட்சிப் படைக்கு மக்கள் ஆதரவு அதிகரித்ததால் அமெரிக்கா தலைமையிலான நேட்டோ படையினர் தலையிட்டு கடாபியை பதவி விலக வலியுறுத்தினர். மறுத்த அவர், கடைசி வரை போராடுவேன் என்றார். 

இதையடுத்து, ஐ.நா. சபை அனுமதி பெற்று புரட்சிப் படைக்கு ஆதரவாக நேட்டோ படைகளும் கடாபி ஆதரவு இராணுவம் மீது தாக்குதல் நடத்தின. இந்நிலையில், கடந்த ஓன்பது மாதங்களாக நீடித்த சண்டையில் தலைநகர் திரிபோலியைக் கைப்பற்றினர். கடும் தாக்குதலுக்கு மத்தியில் மேற்படி நகரம் கைப்பற்றப்பட்டதுடன் கடாபி தலைமறைவானார். இதையடுத்து, கடாபியின் மாளிகையை புரட்சிப் படையினர் தங்கள் கட்டுப்பாட்டில் கொண்டு வந்து கொடி நாட்டினர். இந்த வெற்றியை லிபியா முழுவதும் கொண்டாடினார்கள். 


இந்த நிலையில் அமெரிக்க ஜனாதிபதி பராக் ஒபாமா வெளியிட்ட அறிக்கையில் 'லிபியா சர்வாதிகாரியின் பிடியில் இருந்து விடுபட்டு விட்டது" என்று அந்த அறிவித்தார். லிபியாவின் எதிர்காலம் இனி அந்த நாட்டின் மக்கள் கைகளில் இருக்கிறது என்று குறிப்பிட்டிருந்தார். 
தொடர் போராட்டம் இடம்பெற்று வந்த நிலையில் சிர்தே நகரை அந்நாட்டு இடைக்கால அரச படையினர் கைப்பற்றினர் கடாபி கைது செய்யப்பட்டார். காயம் அடைந்திருந்தால் அவர் பின்னர் உயிரிழந்ததாக கூறப்படுகின்றது

பல நாடுகளுக்கு சவால் விடும் வகையில் மன உறுதியுடன் நாற்பது வருடங்கள் லிபியாவை தனது கட்டுப்பாட்டிற்குள் வைத்திருந்த ஒரு இரும்பு மனிதனின் முடிவு தன் நாட்டுமக்களின் நம்பிக்கையை இழந்தால்.அவர்கள் மீது அடக்குமுறையை கையாண்டதால் இவ்வாறு அமைந்துவிட்டது..


இன்றைய தகவல்-அவுஸ்ரேலிய கிரிக்கெட் அணியின் முன்னால் கேப்டன் ரிக்கி பொண்டிங்..1996,1999,2003,2007.ஆகிய நான்கு உலககோப்பை இறுதிப்போட்டியில் விளையாடியுள்ளார் இதில் 3 முறை அவுஸ்ரேலியா கிண்ணத்தை கைப்பற்றுயுள்ளது(1999,2003,2007)இதில் 2003,2007 ஆண்டுகளில் உலககிண்ணத்தை கைப்பற்றிய அவுஸ்ரேலிய அணியின் கேப்டனாக ரிக்கி பொண்டிங் இருந்துள்ளமை மேலும் சிறப்பம்சம்

Post Comment