காதலிப்பவர்கள் போடும் மொக்கைகள்.காதலில் விழுந்த நண்பர்களின் மொக்கைகளால் பதிவராக மாறிய பதிவர்

இந்த காதலில் விழுந்தவங்க இருக்காங்களே அதாங்க காதலிச்சுகிட்டு இருப்பவங்க அவங்க காதல் என்கிற போர்வையில் போடும் மொக்கைகள் தாங்க முடியாது.அதுவும் ரொம்ப நெருங்கின நம்ம ப்ரண்ஸ் காதலில் விழுந்திட்டாங்கனா அவனுங்க பண்ணும் இம்சை தாங்காது பாவம் நம்மள மாதிரி அப்பாவி ப்ரண்டுகள்.

என் நண்பர்களில்(சின்ன வயதில் இருந்து இன்றுவரை நட்பாக இருக்கும் பசங்க)நான் உட்பட ஒரு சிலரை தவிர ஏனையோர் காதலில் விழுந்துவிட்டாங்க?நானும் இன்னும் ஒன்று இரண்டு பேரும் தான் காதலிப்பது இல்லை என்ற குறிகோளில் இருக்கோம்(ஏற்கனவே நொந்து நூலாகி தற்போது காதலிப்பதில் இருந்து ரிட்டேர் ஆகிட்டோம் அவ்வ்வ்வ்)..இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

நம்ம காதலில் விழுந்த பசங்கள் போடும் காதல் மொக்கைகள் பற்றிதான் இன்றைய பதிவு.நான் பதிவராக மாறியதுக்கும் அவன்களின் மொக்கைக்கு என்ன சம்மந்தம் என்று நினைக்கிறீங்களா தொடர்ந்து படியுங்கள் புரியும்.

இப்படித்தான் என் நண்பன் ஒருவன் இருக்கான் அவன் எனக்குத்தெரிய பல பிகருகளை டாவடிச்சு எல்லாம் புட்டுகிச்சு. இப்ப கடைசியா ஒரு பொண்ணை லவ்வுகின்றான். இவன் ஒரு நாள் என்னிடம் சொன்னான்..இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

ராஜ் உன் தங்கைச்சி வார கிழமை அவள் ஊருக்கு வரச்சொனாள் நான் போயிட்டு அடுத்த கிழமைதான் வருவேன்.

நான் - எனக்கு ஏதுடா தங்கச்சி அம்மா அப்பாவுக்கு நாங்க இரண்டு பசங்க மட்டும்தாணேடா?

அவன் -ஹி.ஹி.ஹி.ஹி ரமா(பெயர் மாற்றப்பட்டுள்ளது)வைத் தான் உன் தங்கச்சி என்று சொன்னேன் நான் லவ் பண்ணிற பொண்ணு உனக்கு தங்கச்சி தானே?

நான்-ஏண்டா நீ லவ் பண்ணுற பொண்ணுங்க எல்லாம் எனக்கு தங்கைச்சினா ஊர் உலகத்தில இருக்குற எல்லாப்பொண்ணுமே எனக்கு தங்கைச்சிதானேடா.ஆமா இப்ப தங்கைச்சி நம்பர் 10,ஜை பாக்க போறீயா இல்லை நம்பர் 12 பாக்க போறீயா என்று கேட்டேன்..இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

அதோட பையன் கப் சிப் என்று ஆகிட்டான் போடா உன்கிட்ட போயி நான் சொன்னேன் பாரு என்ற இந்த காதல் உண்மைக்காதலடா?

நான் -ஏன்டா இதைத்தானே போன வருசமும் இன்னும் ஒரு பிகரை பார்த்து சொன்ன?

அவன் -அது போன வருசம் இது இந்த வரும்சம்

நான் -வெளங்கிடும்.

இதே நண்பனும்,நானும் இன்னும் ஒரு நண்பனும் ஒரே ரூமில் தங்கியிருந்து படித்துக்கொண்டு இருந்த காலப்பகுதி

ரூமில் இரண்டு கட்டில்தான் இருந்தது ஒன்று டபுள் சைஸ் பெரிய கட்டில் ஒன்று சிங்கில் சைஸ் சின்ன கட்டில் ஒரு கட்டிலில் முதல் சொன்ன நண்பன் தூங்குவான்.மற்றய கட்டியில் நானும் மற்ற நண்பனும் தூங்குவோம்.

நான் வலைத்தளம் ஆரம்பித்தது இவனுங்களின் இம்சையினால்தான் நம்ம முடிகின்றதா?எப்படி என்று சொல்கின்றேன் கேளுங்க.

முதலாவதாக சொன்ன நண்பன் அவன் லவ்வர் ரமா(பெயர் மாற்றப்பட்டுள்ளது)விடம் இரவிரவாக பேசுவான் அப்படி என்னதான் பேசுவானோ அது அவனுக்குத்தான் வெளிச்சம்.சில நேரங்களில் போனை கோல் பண்ணி பேசிக்கொண்டு இருக்கும் போது இவன் மெளனமாகிவிடுவான். நானும் ஆரம்பத்தில் நினைச்சேன் அட அந்தப்பொண்ணு பேசுது போல அதுதான் இவன் கேட்டுக்கொண்டு இருக்கான் என்று.

ஆனால் அப்பறம் தான் தெரிந்தது அந்த பொண்ணும் இவன் மெளனமானது மெளனமாகிவிடுமாம்.ஏண்டா இந்த கொலை வெறி என்று கேட்டேன் அதாவது மெளன மொழிகளை பறிமாறிக்கொள்கின்றார்களாம்.அதுக்கு ஏண்டா போனில் பேசிக்கொண்டு இருக்கும் போது மெளன மொழி பரிமாறுறீங்க வீனா காசு தானே நாசமாகுது என்றேன்.அதுக்கு அவன் சொல்கின்றான் லவ்வருக்காக போனில் கொஞ்ச காசு செலவாகினால் என்ன? அவள் யார் என்னவள் தானே என்றான்.(ஏண்டா சொல்ல மாட்ட நீ உழைத்தால் தான் பணத்தின் அருமை புரியும் உங்க அப்பாதானே கஸ்டப்பட்டு உழைக்கின்றார்)

ஆனால் மற்ற நண்பன் அப்பதான் பிகரை உஷார் பண்ணிக்கொண்டு இருந்தான்.எனவே அவனும் இரவிரவாக மெசேஜ் அனுப்பிக்கொண்டே இருபான்.பக்கத்தில் படுத்திருந்து இவனுங்க இரண்டு பேரும் இரவிரவாக மெசேஜ் டைப்பண்ணிக்கொண்டு இருப்பான்க. போர்வையை இழுத்து மூடிக்கொண்டு படுத்துக்கொண்டு டிக்கிடிக் டிக்கிடிக் என்ற போன்ல டைப்பண்ணிக்கொண்டே இருப்பான்கள்.அமைதியான இரவுப்பொழுதில் அந்த சத்தம் தூக்கத்தை குழப்பிவிடும் ஏண்டா தூங்க விடுங்கடா நீங்க மெசேஜ் டைப்பண்ணுற சத்ததில் என் தூக்கம் குழம்புது.சரி இரவில் மெசேஜ் டைப்பண்ணுறீங்களே ஒரு டச் மொடல்(மாடல்)போனா வேண்டிவைங்கடா ஏண்டா அடுத்தவன் நித்திரையை குழப்புறீங்க என்றால்.உனக்கு என்ன மச்சி காதலை பற்றி தெரியும் நீயும் ஒரு பெண்ணை லவ் பண்ணி பார் உனக்கு புரியும் என்று ரைமிங்கா பேசுவான்கள்

இவங்க மேல மட்டும்தான் எனக்கு லவ் வருது.ஹி.ஹி.ஹி.ஹி

இப்படி இவனுங்க இம்சை தாங்க முடியாமல் நான் என்ன செய்வேன் என்றால்! இவனுங்க மெசேஜ் டைப்பண்ணும் சத்தம் ஓயும் வரை இரவில் நெட்டில் உலாவுவேன் அப்ப எதேர்ச்சையாக ஒரு பதிவரின் கிரிக்கெட் பதிவுகள் கண்ணில் பட்டது. அதைவாசிக்கும் போது அவரது தீவிர வாசகனாகிவிட்டேன். அந்த நேரத்தில் எனக்கு தோணியது ஏன் நானும் ஒரு தளம் ஆரம்பித்து எனக்குத்தெரிந்த நான் அறிந்த கிரிக்கெட் தகவல்களை எழுதலாமே! என்று நினைத்துதான் என் தளத்தை உருவாக்கினேன். அப்படி உருவாக்கின போது என்ன பெயர் வைக்கலாம் என்று யோசித்த போதுதான் நண்பர்களின் இம்சையால் இரவில் நெட்டில் உலாவ வெளிக்கிட்டதனால் தானே இந்த ஜடியா தோன்றியது என்று ”நண்பர்கள்” என்றே பெயரை வைத்துவிட்டேன்.

அதுக்கு பிறகு இரவில் இவனுங்க மெசேஜ் டைப்பண்ண தொடங்கினால் நான் பதிவெழுத தொடங்கிவிடுவேன்.இப்படி ஆரம்பத்தில் இரவில் எழுதி காலையில் பதிவை சரிபார்த்து வெளியிடுவேன்.ஆனால் ஆரம்பத்தில் யாரும் இல்லாத கடையில் டீ ஆத்தும் நிலைமைதான்.நண்பர்களும் கிண்டல் பண்ணுவாங்க ஏண்டா ராஜ் உனக்கு ஏன் இந்த வேலை இரவிரவாக எழுதி எவன் உன் தளத்தை படிக்கின்றான் என்று.

இப்படி ஒரு 35 பதிவுகள் எழுதினேன் அதுவரை என் தளம் பெரிதாக பலராலும் படிக்கப்படவில்லை.பேசாமல் தளத்தை மூடிவிட்டு போய்விடுவோமா?என்று நினைத்த போதுதான்.நான் பாடசாலையில் படிக்கின்ற காலத்தில் இலங்கை கிரிக்கெட் வீரர் சுழல் ஜாம்பவான் முத்தையா முரளிதரன் ஒரு முறை எங்கள் பாடசாலைக்கு வந்திருந்த போது அவரை சந்தித்து இருந்தேன். சரி இதை ஒரு பதிவாக எழுதிவிட்டு இத்துடன் பதிவுலகைவிட்டு போய்விடுவோம் என்று நினைத்து அது பற்றி ஒரு பதிவை எழுதினேன். அந்த பதிவிற்கு நண்பர் பாலாவின் பக்கங்கள் பாலா அண்ணாவும்,நம்ம பதிவர் நிரூபன் அவர்களும் கமண்ட் போட்டு இருந்தார்கள்.

இருவரின் கமண்டும் எனக்கு மிகுந்த உட்சாகத்தை தந்தது எனவே முரளிதரன் பற்றி அவரது கிரிக்கெட் வாழ்க்கை பற்றி ஒரு குறும் தொடரை எழுதினேன்.அந்த தொடருக்கு பிறகு என் தளத்தில் ஒரளவு வாசகர்கள் வரவு அதிகரித்தது.

இதனால் தொடர்ந்து சில பதிவுகள் எழுதினேன் அதுக்கு பிறகு ”மறக்க முடியாத பாடசாலை நாட்கள்” என்ற தலைப்பில் பாடசாலை வாழ்க்கையில் எனக்கு ஒரு பெண்ணின் மீது ஏற்பட்ட காதலை தொடராக எழுதினேன். நான் எதிர்பார்க்காத வரவேற்பையும் பல வாசகர்களையும்,பல நண்பர்களையும் அள்ளித்தந்த தொடர் அது.விகடனில் கூட அந்த பதிவால் என் தளம் குட் ப்ளாக்காக தெரிவானது.

எனக்கு இன்னும் நன்றாக ஞாபகம் இருக்கு எனது அந்த தொடரில் ஒரு பகுதியில் தமிழ் மணத்தில் 6 ஓட்டுக்கள் கிடைத்திருந்தது.அப்போது காட்டான் மாம்ஸ் பகிரங்கமாக ஒரு கோரிக்கைவைத்தார் நண்பர்களே யாராவது இந்த பதிவுக்கு இன்னும் ஒரு ஓட்டுப்போடுங்கள் தமிழ் மணம் முகப்பு பக்கத்தில் இந்த பதிவு வரட்டும்.இதனால் இன்னும் பலரை சென்று சேரும் என்று எனக்கு அப்ப எல்லாம் தமிழ் மணத்தில் 7 ஓட்டு வந்தால் அது வாசகர் பரிந்துரை பகுதியில் வரும் என்பது கூட தெரியாது.அப்ப நினைத்தேன் ஏன் காட்டான் மாம்ஸ் இன்னும் ஒரு ஓட்டு போட சொல்லி எல்லோறிடமும் கேட்கின்றார் என்று.அதுக்கு பிறகுதான் எனக்குத்தெரியும் 7 ஓட்டு விழுந்தால் வாசகர் பரிந்துரை பகுதியில் வரும் என்று. தமிழ் மணத்தில் வாசகர் பரிந்துரை பகுதியில் வந்த என் முதல் பதிவு அதுதான்.அந்த வகையில் என் தளத்துக்கு வந்த கமண்ட்களில் காட்டான் மாம்ஸ் போட்ட அந்த இன்னும் ஒரு ஓட்டு போடுங்கள் என்ற கமண்ஸை என்னால் என்றும் மறக்க முடியாது.எல்லாம் அந்த தொடருக்கே சமர்ப்பணம்.

இந்த தொடரில் தான் எனக்கு கோகுல் மனதில் கோகுல்,சண்முகன்,காட்டான் மாம்ஸ்,தனிமரம் நேசன் அண்ணா,கந்தசாமி,ஆகுலன்,மதுரன்,அப்பறம் நம்ம துஷியந்தன் என்கிற துஷி.ஜடியாமணி,இவர்களுடன் இன்னும் பல நண்பர்களும் அறிமுகம் ஆனார்கள்.

அதுக்கு பிறகு ஏனைய பல நண்பர்கள் அறிமுகம் ஆனார்கள். எல்லோறின் ஊக்கமும் ஆதரவினாலும் தான் இன்று என் தளத்திற்கு ஓரளவு வாசகர்கள் வருகின்றார்கள்.ஆனால் நான் சொன்னேன் அல்லாவா நம்ம நண்பர்கள் போடும் காதல் மொக்கைகளால் தான் நான் தளம் ஆரம்பித்தேன். என்று அவர்கள் இன்றுவரை என் தளத்தை பல வாசகர்கள் படிக்கின்றார்கள் நானும் ஒரு பதிவர் என்றால் நம்ம மாட்டாங்கள். போட உனக்கு வேற வேலையில்லை என்பார்கள்.ஹி.ஹி.ஹி.ஹி.......ஆனாலும் பாசக்கார பசங்க.

ஆனாலும் எனக்கு ஒரு கவலை அந்த முதலாவது நண்பனுடன் ஒரு பிரச்சனைக்கு பின் பெரிதாக நல்லுறவு இல்லை சம்பிரதாயத்துக்கு மட்டுமே பேசிக்கொள்வோம்.அனாலும் நண்பன் நண்பன் தானே பின்ன 15 வருட நட்புகளில் பிரச்சனை வரலாம் அதுக்காக அவன் நண்பன் இல்லை என்று அர்த்தம் இல்லைதானே.அவன் புரிந்துகொள்வான் என்று நினைக்கின்றன்.

என்ன நண்பர்களே எப்படி நான் பதிவு எழுத வந்த கதை.எனவே உங்கள் பதிவுகளும் பலரால் படிக்கப்படவில்லை என்று கவலை அடையாமல் தொடர்ந்து எழுதுங்கள். உங்கள் பதிவுகளும் ஒரு நாள் பலரால் படிக்கப்படும்.

அதைவிட உங்களால் முடிந்தவரை சக பதிவர்களை ஊக்குவியுங்கள். அவர்களின் எழுத்துக்களை பாராட்ட வேண்டிய இடத்தில் பாராட்டி விமர்சிக்கவேண்டிய இடத்தில் விமர்சித்து. அவர்களின் எழுத்துக்களுக்கு அங்கிகாரம் வழங்குங்கள்.பல புதிய பதிவர்களை ஊக்குவிப்போம்.நல்ல பதிவுகளை வரவேற்போம்.எனவே புதிதாக வரும் பதிவர்கள் மனம் தளராமல் எழுதுங்கள். நாங்கள் இருக்கோம் உங்களை ஊக்குவிக்க! இதை படிக்கும் புதிதாக பதிவெழுத வந்தவர்கள் உங்கள் பதிவுகள் பலரை சென்று சேரவேண்டும் என்றுவிரும்பினால். என்னை தொடர்பு கொள்ளுங்கள் உங்கள் பதிவுகளை பலரிடம் கொண்டு சேர்க்க என்னால் முடிந்தவற்றை செய்யகின்றேன்.இது ராஜ் இன் நண்பர்கள் தளத்தில் எழுதிய பதிவு(www.nanparkal.com)

எம்மால் முடிந்தவரை புதிய பதிவர்களை ஊக்குவிப்போம்

*********************************************************************************

நான் எழுதிய முத்தையா முரளிதரன் பற்றிய பதிவினை படிக்க இங்கே கிளிக்-

சுழல் சக்கரவர்த்தி முத்தையா முரளிதரனுடன் ஒரு மீள் நினைவுகள்

முரளி பற்றிய தொடரினை முழுமையாக படிக்க இங்கே கிளிக்-தொடர்

என் தளத்திற்கு பல வாசகர்களையும் பல நண்பர்களையும் அள்ளித்தந்த தொடரை படிக்க இங்கே கிளிக்-மறக்க முடியாத பாடசாலை நாட்கள்

குறிப்பு-இடையில் நான் டொமைன் நேம் மாத்தியதால் இந்த தொடர்களுக்கு திரட்டிகளில் கிடைத்த ஓட்டுக்கள் தெரியாது.அதைவிட நான் அப்போது புதிய பதிவராக இருந்ததனால் பதிவுகளில் எழுத்துப்பிழைகள்(அதுஇப்பவும் தான் இருக்கும்)பந்தி பிரித்து எழுதுதாமை,பதிவுகள் சீராக அழகாக இல்லாமை இப்படி சில தவறுகள் இந்த தொடர்களில் இருக்கலாம் எனவே மன்னித்து அருளுங்கள்

*********************************************************************************

Post Comment