வீரேந்தர் சேவாக் ஒரு மாஸ்-என்னைக்கவர்ந்த பிரபலங்கள்

இன்றைய என்னைக்கவர்ந்த பிரபலங்கள் என்ற இந்த பகுதியில் இந்தவாரம் ஒரு சினிமாப்பிரபலம் பற்றி எழுதலாம் என்றுதான் இருந்தேன் ஆனால் நேற்றி இந்திய கிரிக்கெட் அணியின் தற்போதய கேப்டனும் அதிரடி நாயகனுமான வீரேந்தர் சேவாக் ஒரு நாள் போட்டிகளில் புதிய வரலாறு படைத்தார் எனவே என்னை மிகவும் கவர்ந்த ஒரு கிரிக்கெட் வீரர் சேவாக் பற்றி அவரின் சாதனை பற்றி பேசுவோம்


சேவாக் ஒரு மாஸ்
ஒரு நாள் போட்டிகளில் அதிக ஓட்டம் பெற்ற சச்சினின் சாதனை 1 வருடம் தான் நிலைத்து நின்றது கடந்த வருடம் தென்னாபிரிக்காவுக்கு எதிரான போட்டியில் சச்சின் ஆட்டம் இழக்காமல் 200* ஓட்டங்களைப்பெற்றி ஓரு நாள் போட்டிகளில் இரட்டைச்சதம் பெற்ற முதல் வீரராக சாதனைப்படைத்தார் அதைவிட 13 வருடங்களாக முறியடிக்கப்படாமல் இருந்த பாகிஸ்தானின் ஆரம்பதுடுப்பாட்ட வீரர் சயிட் அன்வரின் சாதனையையும் சச்சின் முறியடித்தார். சயிட் அன்வரின் ஓரு நாள் போட்டிகளில் இந்தியாவுக்கு எதிராக 1997ம் ஆண்டு சென்னையில் 194 ஓட்டங்களை விளாசினார் இந்த சாதனையை அதுக்கு பிறகு சச்சின்,கங்குலி,ஜெயசூர்யா,போன்ற பல ஜாம்பவான்கள் அருகே வந்தாளும் அதை முறியடிக்க முடியவில்லை.

2009 இல் ஸிம்மாவேயின் அதிகம் பிரபலம் இல்லாத கவென்ட்ரி சமப்படுத்தினார் அவர் பங்களாதேஸ்க்கு எதிராக 194* ஓட்டங்களை ஆட்டம் இழக்காமல் பெற்றுக்கொண்டார் ஆனால் அவரால் சயிட் அன்வரின் சாதனையை முறியடிக்க வாய்ப்பிருந்து மறுமுனையில் அவருடன் விளையாடிய வீரரின் கவனயீனத்தால் முடியவில்லை.

கடைசியில் சச்சின் தென்னாபிரிக்காவுக்கு எதிராக கடந்த அண்டு முறியடித்தார்.ஆனால் ஒரு நாள் போட்டிகளில் அதிக ஓட்டம் பெற்ற சயிட் அன்வரின் சாதனை 13 ஆண்டுகள் நிலைத்திருந்தது அவர் ஓய்வு பெரும் வரை யாராலும் முறியடிக்க முடியவில்லை...அவரின் சாதனையை முறியடித்த சச்சினின் சாதனை 1 ஆண்டுதான் நிலைத்திருந்தது.சேவாக் நேற்று தகர்த்துவிட்டார்.

ஒரு நாள் போட்டிகளில் ஒரு போட்டியில் அதிக ஓட்டம் பெற்றவர்கள்

(புள்ளிவிபரம் -espncricinfo தளத்தில் பெறப்பட்டது)

Player	Runs	Balls	4s	6s	SR		Team	Opposition	Ground	Match Date	Scorecard
V Sehwag	219	149	25	7	146.97		India	v West Indies	Indore	8 Dec 2011	ODI # 3223
SR Tendulkar	200*	147	25	3	136.05		India	v South Africa	Gwalior	24 Feb 2010	ODI # 2962
CK Coventry	194*	156	16	7	124.35		Zimbabwe	v Bangladesh	Bulawayo	16 Aug 2009	ODI # 2873
Saeed Anwar	194	146	22	5	132.87		Pakistan	v India	Chennai	21 May 1997	ODI # 1209
IVA Richards	189*	170	21	5	111.17		West Indies	v England	Manchester	31 May 1984	ODI # 264
ST Jayasuriya	189	161	21	4	117.39		Sri Lanka	v India	Sharjah	29 Oct 2000	ODI # 1652
G Kirsten	188*	159	13	4	118.23		South Africa	v U.A.E.	Rawalpindi	16 Feb 1996	ODI # 1049
SR Tendulkar	186*	150	20	3	124.00		India	v New Zealand	Hyderabad (Deccan)	8 Nov 1999	ODI # 1523
SR Watson	185*	96	15	15	192.70		Australia	v Bangladesh	Dhaka	11 Apr 2011	ODI # 3150
MS Dhoni	183*	145	15	10	126.20		India	v Sri Lanka	Jaipur	31 Oct 2005	ODI # 2290
SC Ganguly	183	158	17	7	115.82		India	v Sri Lanka	Taunton	26 May 1999	ODI # 1463
ML Hayden	181*	166	11	10	109.03		Australia	v New Zealand	Hamilton	20 Feb 2007	ODI # 2527
IVA Richards	181	125	16	7	144.80		West Indies	v Sri Lanka	Karachi	13 Oct 1987	ODI # 457
H Masakadza	178*	167	17	4	106.58		Zimbabwe	v Kenya	Harare	18 Oct 2009	ODI # 2912
PR Stirling	177	134	21	5	132.08		Ireland	v Canada	Toronto	7 Sep 2010	ODI # 3042

நேற்று இந்திய அணி ஒரு நாள் போட்டிகளில் 4 காவது முறையாக 400 ஓட்டங்களைக்கடந்தது நேற்று இந்திய அணி பெற்ற 418 ஓட்டங்கள் இந்திய அணி சர்வதேச ஒரு நாள் போட்டிகளில் பெற்ற அதி கூடிய ஓட்டங்களாகும் இதற்கு முன் இலங்கைக்கு எதிராக 414 ஓட்டங்களைப்பெற்றதே இந்திய அணியின் அதிக படியான ஓட்டங்கள்.

சர்வதேச ரீதியில் ஒரு நாள் போட்டிகளில் அதிக ஓட்டங்களைபெற்ற அணி என்றசாதனை இலங்கை அணிவசம் உள்ளது குறிப்பிடத்தக்கது நெதர்லாந்து அணிக்கு எதிராக இலங்கை அணி பெற்ற 443 ஓட்டங்கள்தான் ஒரு நாள் போட்டிகளில் ஒரு அணி பெற்ற அதி கூடிய ஓட்டங்கள் ஆகும்.

ஒரு நாள் போட்டிகளில் 400 ஓட்டங்களுக்கு மேல் பெறப்பட்ட சந்தர்ப்பங்கள்

(புள்ளிவிபரம் -espncricinfo.தளத்தில் இருந்து பெறப்பட்டது)

Team	Score	Overs	RR	Inns		Opposition	Ground	Match Date	Scorecard
Sri Lanka	443/9	50.0	8.86	1		v Netherlands	Amstelveen	4 Jul 2006	ODI # 2390
South Africa	438/9	49.5	8.78	2		v Australia	Johannesburg	12 Mar 2006	ODI # 2349
Australia	434/4	50.0	8.68	1		v South Africa	Johannesburg	12 Mar 2006	ODI # 2349
South Africa	418/5	50.0	8.36	1		v Zimbabwe	Potchefstroom	20 Sep 2006	ODI # 2420
India	418/5	50.0	8.36	1		v West Indies	Indore	8 Dec 2011	ODI # 3223
India	414/7	50.0	8.28	1		v Sri Lanka	Rajkot	15 Dec 2009	ODI # 2932
India	413/5	50.0	8.26	1		v Bermuda	Port of Spain	19 Mar 2007	ODI # 2542
Sri Lanka	411/8	50.0	8.22	2		v India	Rajkot	15 Dec 2009	ODI # 2932
New Zealand	402/2	50.0	8.04	1		v Ireland	Aberdeen	1 Jul 2008	ODI # 2727
India	401/3	50.0	8.02	1		v South Africa	Gwalior	24 Feb 2010	ODI # 2962

நேற்றய போட்டியில் இந்திய அணி அபார வெற்றி பெற்றது முதலில் துடுப்பெடுத்து ஆடிய இந்திய அணி சேவாக்கின் இரட்டைச்சதத்துடன் 5 விக்கெட்டுக்களை மாத்திரம் இழந்து 418 ஓட்டங்களைக்குவித்தது.பின்னர் ஆடிய மேற்கிந்திய தீவுகள் அணி 265 ஓட்டங்களுக்கு அனைத்து விக்கெட்டுக்களையும் இழந்து தோல்வி அடைந்தது.

சேவாக்கின் சாதனை

சேவாக் 170 ஓட்டங்களைப்பெற்று இருந்த போது மேற்கிந்திய தீவுகள் அணியின் கேப்டன் சமி சேவாக் கொடுத்த கேட்சை தவறவிட்டுவிட்டார் அதை பயன் பயன் படுத்திய சேவாக் அதிரடியாக சாதனை படைத்தார்

மேற்கிந்தியத் தீவுகளின் ரஸ்ஸல் வீசிய 44-வது ஓவரில் பவுண்டரியை அடித்து இரட்டைச் சதத்தைப் பூர்த்தி செய்தார் சேவாக். 140 பந்துகளில் 6 சிக்ஸர், 23 பவுண்டரி உதவியுடன் அவர் 200 ரன்களை எட்டினார்.

 149 பந்துகளைச் சந்தித்த சேவாக் 7 சிக்ஸர், 25 பவுண்டரிகளுடன் 219 ரன்கள் குவித்து ஆட்டமிழந்தார். ஒருநாள் போட்டியில் 8,000 ரன்களையும் நேற்று கடந்தார்.8000 ரன்களை எட்டிய 6-வது இந்திய வீரர் சேவாக். சச்சின், கங்குலி, திராவிட், அசாருதீன், யுவராஜ் சிங் ஆகியோர் 8000 ரன்களுக்கு மேல் குவித்துள்ள மற்ற வீரர்கள்.இதில் சச்சின்,கங்குலி,ராவிட் ஆகியோர் 10000 ம் ரன்களுக்கு மேல் குவித்துள்ளனர்

கேப்டனாக சாதனை

ஓரு நாள் போட்டிகளில் கேப்டனாக இருந்து அதிக ஓட்டம் குவித்த வீரர் என்ற சாதனையையும் சேவாக் தன் வசம் எடுத்துக்கொண்டார்...இதற்கு முன் சனத் ஜெயசூர்யா இலங்கை அணியின் கேப்டனாக இருந்த போது இந்திய அணிக்கு எதிராக 189 ஓட்டங்களை விளாசியிருந்தார்,அதற்கு அடுத்த படியாக சச்சின் இந்திய அணியின் கேப்டனாக இருந்த போது நியூஸ்லாந்துக்கு எதிராக 186 ஓட்டங்களை பெற்றிருந்தார்.நேற்று சேவாக் கேப்டனாக 219 ஓட்டங்களைப்பெற்று புதிய வரலாறு படைத்தார்.

ஏற்கனவே சேவாக்குற்கு கேப்டனாக ஒரு பெருமையுள்ளது அதாவது 2006 ம் ஆண்டு இந்திய அணி தனது முதலாவது சர்வதேச 20 ஓவர் போட்டியை விளையாடிய போது இந்திய அணியின் கேப்டனாக செயற்பட்டவர் சேவாக் என்பதும் குறிப்பிடத்தக்கது.

என் பார்வையில் சேவாக்

இந்திய அணியில் நான் மிகவும் ரசிக்கும் ஒரு வீரர் சேவாக். இந்திய அணியின்  அதிரடிக்கேப்டன் கங்குலி இந்திய கிரிக்கெட்டுக்கு ஆற்றிய பங்களிப்பில் பல வீரர்களை உருவாக்கிவிட்டது குறிப்பிடத்தக்கது அந்த வகையில் சேவாக்கை ஆரம்பத்துடுப்பாட்ட வீரராக மாற்றிய பெருமை கங்குலியைத்தான் சாரும்.

2004 பாகிஸ்தானுக்கு எதிராக டெஸ்ட் போட்டிகளில் முச்சதம் விளாசும் போது சேவாக் 295 ஓட்டங்களைப்பெற்று இருந்த போது சிக்ஸ்சர் அடித்து 300 ஓட்டங்களை கடந்தார்..அதே போல நேற்று ஓரு நாள் போட்டியில் 197 ஓட்டங்களைப்பெற்று இருந்த போது பவுண்டரி அடித்து 200 ஓட்டங்களைக்கடந்தார்.இந்த தைரியம் எந்த கிரிக்கெட் வீரருக்கு வரும்? ஆனால் இதான் சேவாக்கின் சிறப்பம்சம்

ஓரு நாள் போட்டிகளில் சேவாக் இரட்டை சதம் அடிப்பார் என்று நான் எதிர்பார்த்து இருந்தேன் அதே போல அடித்துவிட்டார்.சச்சின் ஓரு நாள் போட்டிகளில் இரட்டை சதம் அடித்த போது பலர் சொல்லி இருந்தார்கள் டெஸ்ட் போட்டிகளில் பிரைன்லாராவின் உலக சாதனையான 400* ஓட்டங்கள் சாதனையை சச்சின் முறியடிப்பார் என்று ஆனால் சச்சின் அதை முறியடிப்பது என்பது எவ்வளவு தூரம் சாத்திய மாகும் என்று எனக்குத்தெரியவில்லை.சச்சின் டெஸ்ட் போட்டிகளில் இதுவரை ஒரு முச்சதத்தை கூட பெற்றதில்லை அவரது அதிக பட்ச ஸ்கோர் 248*தான்
சச்சின் தற்போது நீண்ட இனிங்சுகள் விளையாடுவதும் குறைவடைந்துள்ளது

ஆனால் சச்சின் எப்ப எந்த சாதனை படைப்பார் என்று யாருக்கு தெரியும் என்றாலும் லாராவின் 400 ஓட்டங்கள் சாதனையை சச்சின் முறியடிப்பது கஸ்டம் தான்.

சேவாக் இரண்டு முறை டெஸ்டில் முச்சதம் அடித்திருக்கின்றார்.டெஸ்ட்லில் பல அதிரடி இனிங்ஸ்களை விளையாடும் சேவாக் பிரைன் லாராவின் 400* ஓட்டங்கள் உலக சாதனையை முறியடித்தாலும் ஆச்சரியம் எதுவும் இல்லை தற்போது அந்த சாதனையை முறியடிக்க கூடிய வீரர்களுள் சேவாக் முன்னிலையில் இருக்கின்றார்.என்றால் மிகையாகாது.

இன்னும் சேவாக் கிரிக்கெட்டில் பல சாதனைகள் படைக்கவேண்டும் என்று ஒரு ரசிகனாக அவரை வாழ்த்துகின்றேன்.

படங்கள்-கூகுள் தேடலில் பெறப்பட்டவை

*********************************************************************************
அடுத்தவாரம் என்னைக்கவர்ந்த பிரபலங்களில் என்னைக்கவர்ந்த ஒரு சினிமாப் பிரபலம் பற்றி பார்ப்போம்
*********************************************************************************
முஸ்கி-கடந்த சில நாட்கள் நண்பர்களின் தளங்களுக்கு சீராக வர முடியவில்லை இன்று எல்லோறின் தளங்களுக்கும் வருகின்றேன் 

Post Comment