என்னைக் கவர்ந்த பிரபலங்கள் இந்தவாரம் ஒரு தேசத்தின் சூரியன் யார் அவர்?

பிடல் காஸ்ட்ரோ கியூபாவின் நிகரில்லா தலைவர் என்னை மிகவும் கவர்ந்த ஒரு தலைவர்.கியூபாவின் விடுதலைப்போராளி ரியல் ஹீரோ.

50 ஆண்டுகள் கியூபாவை ஆண்ட பிடல் காஸ்ட்ரோ சில ஆண்டுகளுக்கு முன் உடல் நலக்குறைவினால் சகோதரர்.ராவுல் காஸ்ட்ரோவிடம் ஆட்சி பொறுப்பை ஒப்படைத்துவிட்டு  தனது பதவியில் இருந்து விலகினார்.பொதுவாக நீண்டகாலம் ஒருவர் நாட்டை ஆளுவது என்பது இலகுவான காரியம் இல்லை அதுவும் மக்கள் மனங்களை வெல்வது அதைவிட கடினம்.பிடல் காஸ்ட்ரோவில் கியூபா மக்கள் வைத்திருக்கும் அன்பும்,மரியாதையும் தான் அவரால் கியூபாவை உலக அரங்கில் பேச வைக்க முடிந்தது.(இது ராஜ் இன் நண்பர்கள் தளத்தில் எழுதிய பதிவு www.nanparkal.com)

இன்று வரை கியூபா ஒரு கம்யூனிச தேசமாக இருப்பதற்கும் இந்த நிமிடம் வரை அமெரிக்காவால் அசைத்துப் பார்க்க முடியாத இரும்புக் கோட்டையாகத் திகழ்வதற்கும் ஒரே காரணம். பிடல் காஸ்ட்ரோ என்ற மனிதர் தான்..(இது ராஜ் இன் நண்பர்கள் தளத்தில் எழுதிய பதிவு www.nanparkal.com)

ராவுல் காஸ்ட்ரோ & பிடல் காஸ்ட்ரோ

பிடல் காஸ்ட்ரோ சில குறிப்புக்கள்

1926 ஆகஸ்ட்13 – கியூபாவில் பிரான் அருகில் ஒரு கரும்புத் தோட்டத்தில் பிடல் அய்ஜாந்தி ரோ காஸ்ட்ரோ ருஸ் பிறப்பு

1945-50 – அவானா பல்கலைக் கழகத்தில் வழக்கறிஞராகப் பட்டம் பெறுகிறார். கொலம்பியாவில் புரட்சிகர அரசியலில் ஈடுபாடு கொள்கிறார்.

1952 – நாடாளுமன்றத் தேர்தலில் போட்டியிட்டு, ஜெனரல் குல்ஜெம்சியோ பத்திஸ்தா தலைமையிலான இராணுவக் கவிழ்ப்புக்குப் பின் தேர்தல் நீக்கம் செய்யப்படுகிறது.

1953 –ஜுலை 26 காஸ்ட்ரோ தலைமையில் சாந்தியாகோ டி கியூபாவில் மன்காடா பாசறை மீது நடைபெற்ற தாக்குதல் தோல்வி. காஸ்ட்ரோவும் தம்பி ரவுலும் சிறைப்பிடிக்கப்படுகின்றனர். இரண்டாண்கழித்து பொதுமன்னிப்பின் பகுதியாக விடுதலை.

1955 – ஜுலை 26 இயக்கத்தை கட்டுப்பாடுமிக்க கரந்தடிப் படையாகச் சீரமைக்க வேண்டி மெக்சிகோவுக்கு இடம் பெயர்கிறார்.

1956 -டிசம்பர் 2 – கிரான்மா என்ற கப்பலில் காஸ்ட்ரோவும் சிறிய புரட்சிக் குழுவினரும் கியூபா செல்கின்றனர். புரட்சிக்காரர்கள் தோற்கடிக்கப்பட்டுத் தப்பிப் பிழைத்தவர்களில் ரவுல், எர்னெஸ்டோ சே குவேரோ உள்ளிட்ட 12 பேர் கரந்தடிப் போர் நடத்துவதற்காக சியரா மேஸ்ட்ரா மலைகளுக்குச் செல்கின்றனர்.

சேகுவரா & பிடல் காஸ்ட்ரே

1959 – காஸ்ட்ரோ தலைமையில் ஒன்பதாயிரம் வீரர் கொண்ட கரந்தடிப் படை அவானாவிற்குள் நுழைய, பத்திஸ்தா வேறு வழியின்றித் தப்பியோடுகிறார். காஸ்ட்ரோ தலைமை அமைச்சராகிறார்.

1960 – குருச்சேவ் தலைமையிலான சோவியத்து ஒன்றியத்தின் நெருக்கமான கூட்டாளியாகிறார். கியூபாவில் அமெரிக்க நலன்கள் அனைத்தையும் இழப்பீடின்றி நாட்டுடைமையாக்குகிறார். கியூபாவுடன் அரசநிலை உறவுகளை அமெரிக்கா துண்டித்துக் கொள்கிறது.

1961 – அமெரிக்க சி.ஐ.ஏ. பயிற்றுவித்த, 1,300 கியூப அகதிகள் அமெரிக்க ஆதரவுடன் பன்றிகள் விரிகுடாவில் நடத்திய படையெடுப்பு தோல்வி. காஸ்ட்ரோவுக்கு கியூப மக்கள் பேராதரவு.

1962 – கியூப ஏவுகணை நெருக்கடியால் அணுவாயுதப் போரின் விளம்பில் உலகம். துருக்கியிலிருந்து அமெரிக்க ஏவுகணைகள் விலக்கிக் கொள்ளப்படுவதற்குப் பதிலாக கியூபாவிலிருந்து ஏவுகணைகளை அகற்ற சோவியத்து நாடு ஒப்புக் கொண்டதால் நெருக்கடி தீர்வு.

1976 – கியூபப் பொதுமைக் கட்சி புதிய சோசலிச அரசமைப்புக்கு ஒப்புதல் அளிக்கிறது. காஸ்ட்ரோ அதிபராகத் தேர்வு.

1976-81 அங்கோலாவிலும் எத்தியோப்பியாவிலும் சோவியத்து ஆதரவுப் படைகளுக்கு கியூபா இராணுவ ஆதரவு.

1980 – அகதி நெருக்கடி – சுமார் 1,25,000 கியூபர்கள் மேரியல் துறைமுகம் வழியாக அமெரிக்காவுக்கு ஓட்டம்.

1991 – சோவியத்து ஒன்றியத்தின் வீழ்ச்சியினால் கியூபாவில் கடுமையான நிதி முடை.

1993 – கியூபா மீதான முப்பதாண்டு வணிகத் தடையை இறுக்குகிறது அமெரிக்கா. சரிந்து வரும் பொருளியலுக்கு முட்டுக் கொடுக்க காஸ்ட்ரோ அமெரிக்க டாலரை சட்டமுறைச் செல்லுபடியாக்குகிறார். வரம்புக்குட்பட்ட அளவில் தனியார் தொழில் முனைவை அனுமதிக்கிறார்.

1996 – கியூப அகதிகள் ஓட்டிச் சென்ற அமெரிக்க வானூர்திகள் இரண்டை கியூபா சுட்டு வீழ்த்தியபின் அமெரிக்க வணிகத் தடை நிரந்தரமாக்கப்படுகிறது.

2000 – ஆறு வயதான கியூப அகதி எல்லன் கோன்சாலஸ் புளோரிடாவிலிருந்து தாயகம் திரும்பச் செய்வதற்கான 7 மாத காலப் போராட்டத்தில் காஸ்ட்ரோவுக்கு வெற்றி!

2002 – ‘தீய நாடுகளின்’ அச்சில் கியூபாவையும் சேர்க்கிறது அமெரிக்கா.

2006 – ஜுலை – அவசர அறுவை சிகிச்சைக்குப் பின் காஸ்ட்ரோ இடைக்காலப் பொறுப்பை ரவுலிடம் கையளிக்கிறார்.

2008 – பெப்ரவரி 19. பொதுமைக் கட்சி ஏடு கிரான்மாவில் வெளியிடப்பட்ட கடிதத்தில் காஸ்ட்ரோ தமது பதவி விலகளை அறிவிக்கிறார்.

பொதுவாக உலக வரலாறுகளை விரும்பி படிப்பவன் நான் அந்தவகையில் கியூபாவின் வரலாற்றை படித்த போது பிடல் காஸ்ட்ரோ என்னை வெகுவாக கவர்ந்தார்.அதற்காக பிடல் காஸ்ட்ரோவை எனக்கு பிடிக்கும் என்பதால் நான் கம்யூனிசவாதி இல்லை.(இது ராஜ் இன் நண்பர்கள் தளத்தில் எழுதிய பதிவு www.nanparkal.com)

இந்த 85 வயது ரியல் ஹீரோவை பலருக்கு பிடிக்காமல் இருக்கலாம் ஆனால் கியூபாவை உலக அரங்கில் பேசவைத்த மிகச்சிறந்த தலைவர் இவரை போல ஒரு தலைவர் இனி உலகில் எப்போது தோன்றுவார்...இவர் வாழும் காலத்தில் வாழ்வதே எமக்கு பெருமைதான்.

குறிப்புக்கள்,படங்கள்-கூகுள்

என்னைக்கவர்ந்த பிரபலங்கள் கடந்தவாரம் எழுதிய பதிவை படிக்க இங்கே கிளிக்

அடுத்த வாரம் என்னைக்கவர்ந்த ஒரு சினிமா பிரபலம் பற்றி பார்ப்போம் யார் அவர்?காத்திருங்கள்

Post Comment