புரியாத மொழி பேசிய பெண்ணுடன் ஒரு நாள்

சில நாட்களுக்கு முன்பு என் நண்பன் ஒருவன் தான் வேலையில் நிற்பதாகவும் ஒரு ரயில் டிக்கெட் புக் செய்து தரும் படி கேட்டுக்கொண்டான்.அதன் படி நானும் ரயில் டிக்கெட் முற்பதிவு செய்ய போயிருந்தேன்.அங்கே சகோதர மொழியைச்சேர்ந்த டிக்கெட் வழங்குனர் ஒருவர் டிக்கெட்டுக்களை வழங்கிக்கொண்டு இருந்தார்.

எனக்கு முன்பு வரிசையில் ஒரு அக்கா நின்று கொண்டு இருந்தார்.பார்த்த உடன் அவரது தோற்றமும் அவரது செயற்பாடுகளும் வெளிநாட்டில் இருந்தது வந்து இருக்கார் என்று உணர்த்தியது.

அவர் டிக்கெட் வழங்குனரிடம் ஆங்கிலத்தில் 3ம் வகுப்பு டிக்கெட் ஒன்று தாங்க என்று கேட்டார். டிக்கெட் வழங்குனரும் 3ம் வகுப்பு டிக்கெட் ஒன்றை கொடுத்தார்.பின்பு டிக்கெட் வழங்குனரிடம் 3ம் வகுப்பு டிக்கெட் வேணாம் 2ம் வகுப்பு டிக்கெட் தாங்க என்று தமிழில் கேட்டார்.அந்த டிக்கெட் வழங்குனருக்கு அவ்வளவு தமிழ் தெரியவில்லை இவர் கேட்டது புரிந்தாலும் அவருக்கு பதில் சொல்ல தெரியவில்லை எனவே அவர் சகோதர மொழியில் ஏன் மாத்துறீங்க என்று கேட்டார்.

அவர் சகோதர மொழியில் கேட்டதுதான் தாமதம் இந்த அக்கா உடனே..நூர்.கிர்.மோர் என்று எதோ ஒரு மொழியில் பேசத்தொடங்கினார்.என்ன மொழி பேசுகின்றார் என்று அவருக்கு பின்னால் நின்ற எனக்கு குழப்பம் அதைவிட அந்த டிக்கெட் வழங்குனருக்கு மகா குழப்பம் அவர் சகோதர மொழியில் இவரிடம் என்ன வேண்டும் உங்களுக்கு நீங்க பேசும் பாசை எனக்கு புரியவில்லை என்றார்.

இந்த அக்காவுக்கு சகோதர மொழி தெரியாது.எனவே டிக்கெட் வழங்குனர் கேட்பது இவருக்கு புரியவில்லை இவர் பேசும் மொழி அங்கே ஒருவருக்கும் புரியவில்லை.

இவருக்கு பின் நின்ற எனக்கு எரிச்சல் தான் வந்தது நான் அந்த அக்காவை பாத்து தமிழில் கேட்டேன் அக்கா நீங்கள் பேசும் மொழி அவருக்கு புரியவில்லை உங்களுக்கு ஆங்கிலம் தெரியும் தானே பிறகு ஏன் ஆங்கிலத்தில் பேசலாமே என்றேன் அதற்கு அந்த அக்கா சொனார்.சும்மா இரும் தம்பி அவன் சிங்களத்தில் கதைக்கும் போது நான் எனக்கு தெரிந்த மொழியில் கதைத்தால் என்ன என்று கேட்டார்?

நான் சொன்னே அக்கா அவர் என்ன தனது மொழிப்புலமையையா உங்களிடம் காட்டுகின்றார் அவர் தனது தாய் மொழியில் பேசுகின்றார். நீங்க தான் உங்கள் மொழிப்புலமையை காட்ட எதோ ஒரு மொழியில் பேசுறீங்க.நீங்கள் சொல்வதை ஆங்கிலத்தில் சொனால் அவருக்கு புரியும் இல்லை என்றால் நீங்கள் தமிழிலே சொல்லுங்க அவருக்கு ஒரளவு புரியும் அதை விட்டு விட்டு ஏன் எதோ புரியாத மொழிகள் எல்லாம் பேசுறீங்க என்றேன்.

பின்பு அந்த அக்கா ஆங்கிலத்தில் 3வகுப்பு டிக்கெட்டை மாத்தி 2ம் வகுப்பு டிக்கெட்டை தரும் படி கேட்டார் டிக்கெட் வழங்குனரும் மாத்திக்கொடுத்தார்.

பின்பு அந்த அக்காவிடம் பேசும் போதுதான் தெரிந்தது அவர் பேசியது பிரஞ்ச் என்றும் அவர் 8 வருடங்கள் ப்ரான்சில் இருப்பதாகவும் அவரது சொந்த இடம் யாழ்ப்பாணம் என்றும் சொனார்.தற்போது ஊரிற்கு வந்தாகவும் சொனார்.

அந்த அக்கா சரளமாக ஆங்கிலம் பேசுகின்றார்.அவர் ஆங்கிலத்திலே கதைத்து இருக்கலாம் அவர் தனது மொழிப்புலமையை காட்டமுயன்றதால் என்ன பயன் டிக்கெட் வாங்க வந்திருந்த ஏனையவர்களுக்கும் இடைஞ்சல்தான்.

நண்பர்களே மொழி என்பது எமது தொடர்பாடலுக்குத்தானே.இங்கே குறிப்பிட்ட அந்த அக்கா.சகோதரமொழியை தாய் மொழியாகக்கொண்ட அந்த டிக்கெட் வழங்குனர் சகோதர மொழியில் பேசும் போது இவரும் தொடர்ந்து தனது தாய் மொழி தமிழில் பேசி இருக்கலாம் இல்லை அந்த டிக்கெட் வழங்குனருக்கு புரியும் படி ஆங்கிலத்தில் பேசி இருக்கலாம்.அதை விட்டு விட்டு அவருக்கு போட்டியாக வேறு ஒரு மொழி பேசுவது இவருக்கு கெளரவமாம்.இதை என்ன வென்று சொல்வது.

நண்பர்களே பலமொழிகள் பேசுவது கெளரவம் இல்லை மொழி என்பது தொடர்பாடலுக்குத்தான்.

ஒரு வேளை அந்த அக்கா தமிழில் தொடர்ந்து பேசி இருந்தால் பாராட்டியிருக்கலாம் ஏனைய மொழிக்காரர்கள் தங்கள் தாய் மொழியில் பேசும் போது தமிழர்கள் நாம் தான் தாய் மொழி பேச தயங்குகின்றோம்.

முஸ்கி-படங்களுக்கும் பதிவுக்கும் சம்மந்தம் இல்லை படங்கள் நடிகை த்ரிஷாவின் படங்கள் பதிவின் அழகுக்காக சேர்க்கபப்ட்டது.

முஸ்கி-தலைப்பை பாத்துவிட்டு வேற எதுவும் மேட்டர் என்று உள்ளே வந்திருந்தால் சங்கம் பொறுப்பு இல்லை

சகோதரமொழி-சிங்களம்

படங்கள்-கூகுள்

*********************************************************************************

Post Comment