வலிகள் நிறைந்த வாழ்க்கை தன்நம்பிக்கை பெண் கங்கா

நான் சின்னவயதில் எங்கள் ஊரில் கண்ட ஓரு அக்காவின் சோகக்கதைதான் இது..அவர் பெயர் கங்கா(பெயர் மாற்றப்பட்டுள்ளது)
பல விவசாயிகளின் வயல்களில் வேலைசெய்து செய்து தமது குடும்பத்தை ஓட்டும் ஓரு கூலித்தொழிலாளியின் மகள்தான் கங்கா நல்ல அழகானவர்.
மூன்று பெண் சகோதரிகளும்,ஓரு சகோதரனும் இவருக்கு உண்டு.
சகோதரன் திருமணம் செய்து வேறு இடத்துக்கு போய்விட்டார்



கங்கா ஓருவரை காதல் திருமணம் செய்து அந்த ஊரிலையே இருந்தார்...அவரது கணவர் இவரில் மிகவும் பாசமானவர் என்று ஊர்களில் கதைத்து கேள்விப்பட்டுள்ளேன்....அப்போது எல்லாம் கூலித்தொழிலாளர்களின் வாழ்க்கை பெரும் போராட்டம் தான்.
காரணம் ...யுத்த மழை பொழிந்து கொண்டிருந்த காலம் அது..பெரும்பாலும் ஊர்களில் வயல்களில் வேலைகள் இருக்காது..இதனால்...ஓவ்வொறு நாளும் உழைத்தால் தான் சாப்பாடு என்ற நிலையில் இருக்கும் பல குடும்பங்களின் பாடு பெரும் கஸ்டம்தான்.

இந்த நிலையில் பலர் புலிகளிடம் பங்கர் வெட்டுவது போன்ற வேலைகளுக்குச் சண்டை நடைபெரும் இடங்களுக்குச்செல்வதுண்டு.அதற்கு அவர்களுக்கு சம்பளமும் கிடப்பதனால்..பல குடும்பங்களின் உழைப்பாளிகள் இந்த வேலைக்குத்தான் போவார்கள்.அப்படி போன கங்காவின் கணவர் படமாகத்தான்(போட்டோ) திரும்பி வந்தார்...
நிறைமாத கர்பிணியான கங்கா அக்காவுக்கு அப்ப ஓரு 22 வயசுதான் வரும் அந்த வயதில் கணவனை இழந்த பெண்ணின் நிலை எப்படியிருக்கும்.

சில மாதங்களில் கங்கா அக்காவுக்கு அழகிய பெண் குழந்தை பிறந்தது..தந்தையின் முகத்தை அறியாத அந்தக்குழந்தையின் எதிர்காலம் எப்படியிருக்கும்
 22 வயதில் விதவைக்கோலம் கங்காவுக்கு
எங்கள் மண்ணில் இப்படி எத்தனை பெண்களின் வாழ்க்கையை யுத்தம் பறித்துக்கொண்டது.

கங்காவின் கணவர் தங்களிடம் வேலைக்கு வந்து இறந்தனால் புலிகளினால் மாதம் மாதம் 2000 ரூபா..உதவித்தொகை அந்த குழந்தைக்கு வழங்கப்பட்டது.
கங்கா அக்கா அந்தப்பணத்தை செலவு செய்யாமல் குழந்தையின் பெயரில் வங்கியில் சேமித்தார்....வயல்களில் கிடைக்கும் வேலைகளைச்செய்து வாழ்க்கையை ஓட்டினார்...கங்காவின் தந்தை,தாய்,சகோதரிகள் அவருக்கு மிகவும் உதவியாக இருந்தார்கள்..

ஓரு பெண் தனியாக இருந்தால் அவளை காமக்கண்ணோட்டத்தில் பார்க்கும் ஆண்கள் சமூதாயத்திற்கு வன்னி மண் ஓன்றும் விதிவிலக்கு இல்லை..ஊரில் பல ஆண்கள் கங்காவை தவறான கண்ணோட்டத்துடன் அணுகினார்கள் அவளை கேலிசெய்வதும் தங்கள் இச்சைக்கு இணங்க வைப்பதும் அவர்களின் நோக்கம்.

கங்கா வாழ்த காணியில்..இருந்த பல குடும்பங்களில் பல பெண்கள் கணவன் இருக்க இன்னும் ஓருவருடன் செல்வது போன்ற பல முறையற்ற உறவுகள் போன்றன அவள் இருந்த காணியில் நடந்து கொண்டுதான் இருந்தது....
நான் எழுதும் என் உயிர் நீதானே தொடரில் சுதன் கதையில் வரும் காணியில் தான் கங்கா அக்கா இருந்தார்.அதில் பல விடயங்களை சொல்லியிருக்கின்றேன்.

ஆனாலும் பல ஆண்கள் கங்கா அக்காவுக்கு வலைவீசிய போதும் அவர் தன் நிலையில் இருந்து கொஞ்சமும் மாறவில்லை...அவர் தானுண்டு தன் வேலையுண்டு என்று இருந்தார்..

ஊரில் பல பெண்களைப்பற்றி தவறாக பல கதைகள் வரும் கங்கா அக்காவை பற்றி ஓருவர் கூட தவறாக கதைத்தது இல்லை..

கங்கா அக்காவின் பெற்றோருக்கு மகள் 22 வயதில் விதைவையாகியது பெரும் கவலை எப்படியும் கங்கா அக்காவுக்கு இரண்டாவது திருமணம் செய்து வைத்துவிட வேண்டும் என்பதில் உறுதியாக இருந்தார்கள் ஆனால் கங்கா அக்கா மறுத்துவந்தார்.....
பின் 5 வருடம் கழித்து..ஓருவாறு கங்கா அக்கா மறுமணத்திற்கு சம்மதித்தார்..அப்போது நாட்டில் யுத்த மழை ஓய்ந்து சமாதானக்காலம் நிலவியது.

கங்கா அக்காவிக்கு இரண்டாவது திருமணம் நடந்தது...இரண்டாவது கணவரும் கங்கா அக்காவை நேசித்து அவரை உள்ளங்கையில் வைத்து தாங்கும் ஓருவராக இருந்தது கங்கா அக்காவுக்கு மிகவும் சந்தோசம்.தன் குழந்தையிடம் மிகவும் பாசமாக இருப்பது கங்கா அக்காவுக்கு அவர்மேல் அன்பு கூடியது.

இரண்டாவதாக திருமணம் செய்ததும்....அவரது குழந்தைக்கு வழங்கிவந்த உதவித்தொகையை புலிகள் நிறுத்திவிட்டனர்..ஆனாலும் கங்கா அக்கா அந்தப்பணத்தை செலவழிக்காமல் சேமித்தானால் ஓரு தொகுதிப்பணம் சேர்ந்துவிட்டது..அதை அவர் தன் குழந்தையின் .படிப்புக்கு செலவழித்தார்.அவரது இரண்டாவது கணவரும் ஓன்று சொல்லவில்லை குழந்தையின் படிப்புதான் முக்கியம் என்று சொல்லிவிட்டார்.

இப்படி மகிழ்ச்சியாக சென்று கொண்டிருந்த கங்கா அக்காவின் வாழ்வில் விதி மீண்டும் விளையாடியது...ஆம் மீண்டும் யுத்த மேகங்கள் வன்னிமண்ணை சூழ்ந்தது....இம்முறை கடுமையான யுத்தமழை பொழிந்தனால் மக்கள் இடம் பெயர்ந்து வேறு இடங்களுக்குச்சென்றனர்...இப்படி ஓவ்வொறு இடமாகச்சென்று பல வேதனைகளை சொல்லானா துன்பங்களை மக்கள் அனுபவித்தனர்..

பலரின் வாழ்க்கையை கேள்விக்குறியாக்கிய யுத்தம் கங்கா அக்காவின் வாழ்க்கையை மீண்டும் கேள்விக்குறியாக்கியது ஆம் இறுதியுத்தத்தில் அவரது இரண்டாவது கணவரின் உயிரையும் கங்கா அக்காவின் கண்முன்னே பறித்துக்கொண்டது.
தற்போது யுத்தம் முடிந்து இயல்பு நிலை திரும்பிவிட்டது

மீண்டும் பழய வாழ்க்கை கங்கா அக்காவுக்க்கு 30வயதுக்குள் இரண்டு முறை விதைவைக்கோலம் அவருக்கு...ஆனாலும் அவர் தன்நம்பிக்கையை இழக்காமல் வாழ்த்து வருகின்றார்...

தற்போது 5ம்(வகுப்பில்) தரத்தில் படிக்கும் கங்கா அக்காவின் மகள் படிப்பில் மிகவும் கெட்டிக்காரியாக விளங்குவது கங்கா அக்காவுக்கு பெரும் ஆறுதல்..கல்வியறிவு குறைந்த ஓரு சமூகத்தில் பிறந்த தன் குழந்தை கல்வியில் வெகுவாக முன்னேறவேண்டும் என்பது அவரது கனவாம்.அவரது கனவு நிச்சயம் அவரின் தன் நம்பிக்கையால் வெற்றி பெரும்.

இப்படி எத்தனையோ கங்காக்கள் எம் மண்ணில் இருக்கின்றார்கள்.


தன்நம்பிக்கையை இழக்காதவர்கள் எப்பவும் சோர்ந்து போவதில்லை.

Post Comment