நேத்து ராத்திரி யம்மா தூக்கம் போச்சுதே யம்மா பாடலும் என் நண்பனும்

நேத்து ராத்திரி யம்மா தூக்கம் போச்சுதே யம்மா இந்தப்பாடல் ஓரு காலத்தில் பட்டி தொட்டி எல்லாம் ஒலித்த பாடல் சகலகலா வல்லவன் படத்தில் இடம் பெற்ற இந்தப்பாடலில் சில்க் ஸ்மிதாவின் நடனம் அந்தக்காலத்தில் பலரின் தூக்கத்தை கெடுத்திருக்கும்...தலைமுறைகளை தாண்டிய ஹிட் பாடல்.இந்தப்படம் வெளிவந்த போது நான் பிறக்ககூட இல்லை.

சில்க்ஸ்மிதா

சரி நான் இப்ப இந்தப்பாடலை பற்றி சொல்லவில்லை இந்தப்பாடலை பாடி பல்பு வாங்கிய நம்ம நண்பன் ஓருவனை பற்றிய சுவாரஸ்யமான சம்பவம் சொல்கின்றேன்

வன்னியில் அப்போது எல்லாம் திரைப்படங்களை சென்சார் செய்தே வெளியிடப்படுவது வழக்கம்...ஆபாசமாக காட்சிகள்,பெண்களை இழிவுபடுத்தும் காட்சிகள் போன்றவற்றை தணிக்கை செய்தே புலிகள் வெளியிடுவார்கள்.
இதனால் படங்களில் வரும் பல பாடல்கள் தணிக்கை செய்யப்பட்டுவிடும்.உதாரணத்துக்கு..நேத்து ராத்திரி எம்மா டைப்பாடல்கள் பகவதி படத்தில் வரும் கை கை கை வைக்கிறா,போன்ற பாடல்கள்.

ஆனாலும் நம்ம ஆளுகள் என்ன செய்வாங்கனா அப்போது சமாதான காலம் ஆகையால் அரசகட்டுப்பாட்டு பகுதிக்குள் வரும் போது படச்சீடிக்களை வாங்கிவருவது உண்டு...புலிகளின் சோதனைகளில் சிக்காமல் அவர்களுக்கு தண்ணி காட்டிவிட்டு பல திரைப்படங்களின் சீடிக்களை கொண்டுவந்து விடுவார்கள்.
தணிக்கை செய்யாத திரைப்படங்களை பார்த்தால் கடும் தண்டனை வழங்கப்படும்..ஆனாலும் நம்மாளுகள் பார்த்து கொண்டுதான் இருப்பார்கள்.

சரி விடயத்துக்கு வருவோம்..நம்ம நண்பன் ஓருத்தன் உயர்தரம் படித்துக்கொண்டு இருந்த போது....ஒரு நாள் பாடசாலையில் நண்பர்களுடன் நூலகத்துக்கு செல்லும் போது நேத்து ராத்திரி யம்மா தூக்கம் போச்சிதே யம்மா
பாட்டை பாடியிருக்கின்றான் இவன் பாடிய நேரம் ஓரு டீச்சரும் கரெக்டா வந்துட்டாங்க...டீச்சர் நினைச்சுட்டா தன்னை பாத்துதான் பாடுறான் என்று.உடனே பாடசாலை துணை முதல்வரிடம் கம்ளைண்ட் பண்ணிட்டா

எங்க துணைமுதல்வர் மிகவும் கண்டிப்பானவர் அதே நேரம் நல்ல நகைச்சுவை உணர்வு மிக்கவர் பசங்களுடன் ஜாலியாக பேசுவார்...ஏதும் குழப்படி செய்தால் அன்பாக கண்டிப்பார்.

துணைமுதல்வர் பாட்டுபாடிய நண்பனை அழைத்து கேட்டார்
அவர்-ஏன் கிருபா பாட்டுப்பாடினியா
நண்பன் - ஆம் சேர்(சார்)
அவர்-ஏன் டீச்சரை பாத்து பாடின
நண்பன் -நான் டீச்சரை பாத்து பாடலை சேர்(சார்) நான் பாடவும் டீச்சரும் கரெக்டா வந்துட்டாங்க அதனால அவங்களைப்பார்த்து பாடினதா நினைச்சுட்டாங்க
அவர்-சரி அப்படி என்ன பாட்டு பாடின(டீச்சர் பாட்டு பாடினதாகத்தான் சொல்லியிருக்கா என்ன பாட்டு என்று சொல்லவில்லை)

நண்பன் -நேத்து ராத்திரி எம்மா தூக்கம் போச்சுதே எம்மா..

அவர்-ஏன் கிருபா ஓரு டீச்சரை பார்த்து இப்படி பாடலாமா இது ஓரு மாணவனுக்கு அழகா

நண்பன் -சத்தியமா நான் டீச்சரை பார்த்து பாடலை சேர்(சார்)

அவர்-அப்ப ஏன் திடீர் என்று அந்தப்பாட்டை பாடின

நண்பன் -அது இரவு சகலகலா வல்லவன் படம் பார்த்தேன் சேர்(சார்)அதான் பாட்டு வாயில் வந்திடுச்சி

அவர்-ஏன் பொய் சொல்லுற அந்தப்பாட்டை எப்படி தணிக்கை செய்யாமல் விடுவாங்க நம்ம ஊரில் தனிக்கை செய்திருப்பாங்களே

நண்பன் -இல்லை சேர்(சார்) கள்ளச்சீடி தணிக்கை செய்யாத சீடி

அவர்-அப்ப தணிக்கை செய்யாத சீடி பார்த்ததுக்கு நான் உனக்கு தண்டனை தரமுடியாது அதுக்குறியவங்களிடம் சொல்வோம்
சார் இப்படி சொன்னதும் நண்பன் சரண்டர்

நண்பன் -சேர் தணிக்கை செய்யாத சீடி பார்த்ததை சொல்லிடாதீங்க ப்ளீஸ்
நான் டீச்சரிடம் மன்னிப்பு கேட்கின்றேன்...நீங்க என்ன தண்டனை என்றாலும் தாங்க

அவர்-எனக்குத்தெரியாத உங்களைப்பற்றி நானும் உங்கள் வயதில் இருந்து வந்தவன் தான் போய் டீச்சரிடம் மன்னிப்பு கேள்.டீச்சர் மன்னித்தால் ஓக்கே இல்லை என்றால் இரண்டு நாள் பாடசாலையில் இருந்து சஸ்பெண்ட்

இவனும் டீச்சரிடம் போய் விடயத்தை சொல்லி உங்களை பார்த்து பாடவில்லை டீச்சர் நான் பாடும் போது நீங்க கரெக்ட்டா வந்திட்டீங்க என்று மன்னிப்பு கேட்டு இருக்கான் டீச்சரும் இவனை மன்னிச்சுட்டாங்க சஸ்பெண்ட் பண்ணவேனாம் என்று துணைமுதல்வரிடமும் சொல்லியிருக்காங்க
அதுக்குப்பிறகு அந்த டீச்சர் எங்களிடம் நல்ல மாதிரி..எங்களை எங்க கண்டாலும் இதை சொல்லியே கலாய்ப்பார் என்ன இண்டைக்கு பாட்டு பாடலையா என்று அந்த நண்பனை மட்டும் இல்லை எங்கள் நண்பர்களில் யாரைக்கண்டாலும் கலாய்ப்பார்.

எனக்கு இந்தப்பாடலை கேட்கும் போது எல்லாம் அந்த நண்பனின் ஞாபகம் தான் வரும் இப்பகூட இந்தசம்பவத்தை சொல்லி நாங்கள் அவனை கலாய்ப்பதுண்டு

இதோ நேத்து ராத்திரி யம்மா ஷாங் நீங்களும் ஒருக்கா கேட்டுட்டு போங்க

வீடியோ-youtube.
படம்-கூகுள்

Post Comment